بۇگىندە ارالدىڭ ەكسپورتتىق الەۋەتى كۇشەيىپ كەلەدى. تمد جانە ەۋروپا نارىعىنا شىققان كوكسەركە سۇزەسى, قاتىرىلعان جانە توڭازىتىلعان تورتا, تابان بالىقتارعا سوڭعى ۋاقىتتارى قىتاي مەملەكەتى دە سۇرانىس بەرە باستادى. وبلىستا ىسكە قوسىلعان 10 تاۋارلى بالىق شارۋاشىلىعى ازاماتتارعا جاقسى تابىس كوزى بولىپ وتىر.
بيىل ارال قالاسىنىڭ يندۋستريالىق ايماعىندا «قازاقستان اكۆاكۋلتۋرا لتد» جشس-نىڭ «بالىقتى تەرەڭدەپ وڭدەۋ جانە پلاستيكالىق قايىق جاساۋ» تسەحىنىڭ جوباسى جۇزەگە اسىرىلىپ جاتىر. اتالعان نىسان جىل اياعىنا دەيىن ىسكە قوسىلادى.
جاڭا زاۋىت تولىق قۋاتىندا جۇمىس جاساعاندا جىلىنا 4000 توننا بالىق جانە 50 قايىق شىعارۋعا مۇمكىندىگى بار.
سەرىكتەستىك بالىق وڭدەۋدەن بولەك, قايىق قۇراستىرۋ تسەحىن سالۋدى جوسپارلاپ وتىر. بۇعان دەيىن شەتەلدىڭ قىمبات قايىعىمەن امالداپ كەلگەن بالىقشىلاردىڭ ارزان دا ساپالى ءوز قايىعى بولادى.
باقتيار تايجان,
«ەگەمەن قازاقستان»
قىزىلوردا وبلىسى
