جارىستىڭ اشىلۋ سالتاناتىندا دەنەشىنىقتىرۋ جانە سپورت باسقارماسىنىڭ باسشىسى رۋسلان ەسەنالين وسىمەن ءۇشىنشى رەت وتكىزىلىپ وتىرعان ايتۋلى شارا وڭىرارالىق باسەكەلەستىك ورتاعا اينالعانىن, العاش رەت بويجەتكەندەر باق سىنايتىن ەرەكشەلىگىن, كونفەدەراتسيا اراسىندا قول قويىلعان مەموراندۋمعا وراي جەرگىلىكتى جەرلەردە سپورت تۇرلەرى كەڭىنەن ءورىس العانىن اتاپ ءوتتى.
بوز كىلەمگە ءبىرىنشى بولىپ تاەكۆوندوشىلار شىقتى. «كۇش اتاسىن تانىماس» دەمەكشى, تۇركىستاندىقتار قىزىلوردالىقتاردان ايلاسىن اسىردى. ولار باسقا قارسىلاستارىن دا تىزە بۇكتىرىپ, ءبىرىنشى ورىندى يەلەندى. ەركىن كۇرەستەن دە مەرەيلەرى ۇستەم بولدى. گرەك-ريم كۇرەسىنەن الاڭ يەلەرى اقمولالىقتاردان جەڭىلىس تاپقانىمەن, قالعان بەلدەسۋلەردە ەسەسىن جىبەرمەگەن كۇيى جەڭىستىڭ ەڭ بيىك تۇعىرىنا كوتەرىلدى. دزيۋدودان سىر بويىنىڭ وكىلدەرى الدارىنا جان سالمادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
