ءوزىنىڭ تۇساۋكەسەر كەزدەسۋىندە جەرلەسىمىز يرينا بەگۋمەن كۇش سىناستى. الەمدىك رەيتينگتە 53 ورىندى ەنشىلەگەن رۋمىنيانىڭ وكىلى پۋتينتسەۆاعا جارىتىپ قارسىلىق كورسەتە العان جوق. ەكى سەتتىك سايىس 6:2, 6:0 ەسەبىمەن اياقتالدى. كەلەسى اينالىمدا قازاقستاندىق تەننيسشى اناستاسيا سەۆاستوۆامەن شەبەرلىك بايقاسادى. WTA رەيتينگىندە 11 ساتىعا جايعاسقان 28 جاستاعى لاتۆيانىڭ ويىنشىسى بيىل ايدى اسپانعا شىعارىپ, اقش-تىڭ اشىق بىرىنشىلىگىندە جارتىلاي فينالعا دەيىن جەتكەن ەدى. وسى باسەكەنىڭ جەڭىمپازى شيرەك فينالعا جولداما الادى.
سونداي-اق, بۇگىن قازاقستاننىڭ تاعى ەكى وكىلى كورتقا شىعادى. ولار – ميحايل كۋكۋشكين مەن الەكساندر بۋبليك. ەرلەر اراسىنداعى ەلىمىزدىڭ ءبىرىنشى راكەتكاسى, اتر تىزىمىندە 73 ورىندا تۇرعان كۋكۋشكين رەسەيلىك ەۆگەني دونسكويمەن كۇش سىناسادى. ال بۋبليك فرانتسيالىق پەر-يۋگ ەربەرمەن كەزدەسەدى.
عالىم سۇلەيمەن,
«ەگەمەن قازاقستان»
