وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە, وڭىردەگى اباتتاندىرۋ, تازالىق جۇمىستارىنا 12,8 ملرد. تەڭگە بولىنگەن. قازىر بۇل قىرۋار قاراجاتتىڭ-8,7 ملرد. تەڭگەسى يگەرىلىپتى.
ناتيجەسىندە, كۇزگى سەنبىلىك بارىسىندا 1 ميلليونە 116 مىڭ تەكشە مەتر اۋلانىڭ اۋماعى تازالانىپ, 10,2 مىڭ توننا قوقىس شىعارىلعان, 277 ەسكەرتكىش قالىپقا كەلتىرىلىپتى.
جەرگىلىكتى اكىمدىكتەردىڭ قولداۋىمەن 10,3 مىڭ ءتۇپ كۇزگى اعاش وتىرعىزىلدى. سەنبىلىككە 91 مىڭ ادام, 800 بىرلىك تەحنيكا قاتىسقان. اباتتاندىرۋ ىسىنە نەمقۇرايلى قاراعان تۇرعىندار, شاعىن جانە ورتا كاسىپكەرلىك وكىلدەرىنە جەرگىلىكتى پوليتسيا تاراپىنان اكىمشىلىك حاتتاما تولتىرىپ, ايىپپۇل سالىنۋى مۇمكىن.
كاسىپكەرلەرگە ۋسپەن اۋدانىنداعى ا. كاسيتسىن باسقاراتىن «گاليتسكوە» جشس مەن شارباقتى اۋدانىنداعى ا. پولياكوۆتىڭ اباي اتىنداعى وركەنيەتتى شارۋاشىلىقتارىن ۇلگى ەتۋگە بولار.
مىسالى, وبلىستىق اكىمدىك وتىرىسىنداعى جيىندا ايتىلعانداي, اۋدانداردا وتىرعىزىلعان اعاشتاردىڭ 70 پايىزى كۇتىمنىڭ جوقتىعىنان سول كۇيى وسپەي قالعان.
اۋدان-قالا اكىمدەرى بالەنباي مىڭ ادام سەنبىلىككە شىعىپ, بالەنباي مىڭ توننا قوقىس جينادى» دەپ تەك ساندار كورسەتىلگەن ەسەپ بەرەدى. جەلەزين اۋدانىندا سەنبىلىككە 7 مىڭ ادام, وبلىس ورتالىعىندا 25 مىڭ ادام سەنبىلىككە قاتىسىپ, 230 تەحنيكا جۇمىلدىرىلعان دەيدى.
ال, بيىل وبلىس ورتالىعىندا 10 مىڭ اعاش وتىرعىزۋ جوسپارلانىپتى.
فاريدا بىقاي,
«ەگەمەن قازاقستان»
پاۆلودار
