قۇرىلىسى ۇزاققا سوزىلعان 25 نىساننىڭ 23-ءىنىڭ يەلەرى اكىمشىلىك جاۋاپكەرشىلىككە تارتىلىپ, 4,3 ميلليون تەڭگە كولەمىندە ايىپپۇل تولەدى. نىسانداردىڭ 4-ءى مەملەكەتتىك مەنشىككە قايتارىلسا, 4 نىساندا قۇرىلىس جۇمىستارى باستالىپتى.
قالالىق اكىمدىك وبلىس ورتالىعىنداعى ورتالىق كوشە تاۋەلسىزدىك داڭعىلى, 89/4, 89/5 مەكەنجايىندا ورنالاسقان عيماراتتار- ەندى جارقىرعان ساۋدا ۇيلەرىنە اينالادى دەپ سەندىرەدى.
مىسالى, 2004 جىلى وبلىس ورتالىعىندا ومىرباقي باس بوستاندىعىنان ايرىلعاندارعا ارنالعان 1500 ورىندىق كولونيا قۇرىلىسى باستالعان-دى. قازىر تۇرمەگە سۇرانىس جوق دەگەن سەبەپپەن 2008 قۇرىلىس توقتاتىلادى. بىتپەگەن قۇرىلىس قالالىق اكىمدىكتىڭ بالانسىنا بەرىلەدى. جەكەشەلەندىرۋ باعدارلاماسى اياسىندا ساتىلىمعا شىعاتىن نىساندار تىزىمىنە الىنىپتى. قۇنى-3 ملرد 800 ميلليون تەڭگەگە جەتكەن.
سۇرانىس بولماسا,نەگە قۇرىلىس باستاعان؟ جاۋاپكەرشىلىك كىمدە؟ سونىمەن بىرگە, «سارىارقا» شاعىن اۋدانىندا سالىنىپ جاتقان №27 تۇرعىن ءۇيدىڭ قۇرىلىسى دا قازىر قۇرىلىسى توقتاپ تۇر. جالپى, بۇل شاعىن اۋدانىندا جىل سوڭىنا دەيىن 8 تۇرعىن ءۇيدىڭ بەرىلۋىن تۇرعىندار اسىعا كۇتۋدە.
فاريدا بىقاي,
«ەگەمەن قازاقستان»
پاۆلودار
