ستاتيستيكا كوميتەتىنىڭ مالىمەتىنشە, جالپى اينالىمنىڭ 9,4 ميلليارد دوللارى ەكسپورتقا, ال 13,7 ميلليارد دوللارى يمپورتقا تيەسىلى. سىرتقى ساۋدا سالدوسى بۇل جىلى 4,3 ميلليارد دوللارعا تەڭ. بۇل كورسەتكىشتەن ەكسپورتتىڭ 0,4%-عا, يمپورتتىڭ 33,3%-عا تومەندەگەنىن كورۋگە بولادى.
2018 جىلى سىرتقى ساۋدا اينالىمىنداعى تمد ەلدەرىنىڭ ۇلەسى 38,6%-عا تەڭ. وزبەكستاننىڭ سىرتقى ساۋداداعى نەگىزگى سەرىكتەستەرى قىتاي (4,43 ملرد. دوللار), رەسەي (4,18 ملرد. دوللار), قازاقستان (2,14 ملرد. دوللار), تۇركيا (1,52 ملرد. دوللار) جانە وڭتۇستىك كورەيا (1,29 ملرد. دوللار) ەلدەرى بولىپ وتىر.
ەكسپورت جالپى تاۋار اينالىمىنىڭ 75,9%-ىن قۇرايدى. ونىڭ 20,2% ەنەرگيا تاسىمالداۋ مەن مۇناي شيكىزاتتارى, 8,8% ازىق-ت ۇلىك ونىمدەرى, حيميالىق تاۋارلار 78,3% قۇرايدى.
بيىلعى جىلعى قىزمەتتەر ەكسپورتىنىڭ كولەمى 2,26 ملدر دوللار. ول جالپى ەكسپورت كولەمىنىڭ 24,1%-ىن قۇرايدى. وسىلايشا, بيىل شەتەلدىك قىزمەتكە جۇگىنۋ بىلتىرعى جىلعا قاراعاندا 21,9%-عا كوبەيگەنىن بايقايمىز. ال قىزمەتتەر يمپورتى 1,66 ملدر دوللارعا باعالانعان. بۇل جالپى يمپورت كورسەتكىشىنىڭ 12,1%-ىن قۇرايدى.
وزبەكستاننان ەكسپورتتاۋشىلار كوشىن قىتاي مەن رەسەي باستاپ, قىزمەتتەر مەن تاۋارلاردىڭ ەكسپورتىنىڭ 37,1%-ىن يەمدەنىپ وتىر. رەسەي, قىتاي, قازاقستان, وڭتۇستىك كورەيا مەن تۇركياعا يمپورتتالعان تاۋارلار باعاسى 8,36 ملرد دوللارعا باعالانعان.
