نۇرسۇلتان نازارباەۆ جولداۋدىڭ كۇن تارتىبىنە ەلىمىزدىڭ ەكونوميكاسىن ارتتىرۋعا باعىتتالعان جاڭا مىندەتتەردى شىعارىپ, قازاقستاندىقتاردىڭ ءال-اۋقاتىنىڭ ءوسۋى باستى باسىمدىققا اينالۋعا ءتيىس ەكەنىنە ەرەكشە ەكىپن بەردى. جولداۋدا ءبىلىم بەرۋ سالاسىنا قاتىستى جۇكتەلگەن مىندەتتەر سالالىق كاسىپوداق جۇمىسى مەن ۇستازدار قاۋىمىناى ۇلكەن سەرپىن بەردى دەپ نىق سەنىممەن ايتا الامىن.
ەل تاريحىندا بۇرىن-سوڭدى بولماعان ءبىلىم, عىلىم, دەنساۋلىق ساقتاۋ سالالارىنا بولىنەتىن قارجىنى الداعى 5 جىلدا ىشكى جالپى ءونىمنىڭ 10 پايىزىنا دەيىن جەتكىزۋ باستاماسى ءبىزدى ەرەكشە قۋانىتپ وتىر. سەبەبى بۇل باستاما ارقىلى الەۋمەتتىك سالانى ايتپاعاندا ەكونوميكا شيراپ, ميلليونداعان قازاقستاندىق وتباسىنىڭ ءال-اۋقاتى ارتادى. سەبەبى ۇستازدار مەن ءبىلىم بەرۋ جۇيەسىنە ءاربىر وتباسىنىڭ ءاربىر قازاقستاندىقتىڭ قاتىسى بار دەسەم قاتەلەسپەسپىن.
كوپتەن بەرى الاڭداتىپ جۇرگەن مەكتەپكە دەيىنگى ءبىلىم بەرۋ ساپاسىن تۇبەگەيلى وزگەرتۋ تاپسىرماسى دا قۋانتارلىق جايت. بۇل دەگەنىمىز مەكتەپكە دەيىنگى ءبىلىم بەرسۋ سالاسىندا بىلىكتىلىك تالاپتارى مەن وقىتۋ ادىستەمەلەرى, تاربيەشىلەر مەن بالاباقشاداعى وزگە دە قىزمەتكەرلەردىڭ ەڭبەك اقى تولەۋ جۇيەسى قايتا قارالادى دەگەن ءسوز. بۇل وزگەرىستەر دە ميلليونداعان جاس ماماننىڭ, كوپتەگەن وتباسىنىڭ الەۋمەتتىك-ەكونوميكالىق جاعدايىنىڭ جاقسارۋىنا جول اشاتىنى ءسوزسىز.
جولداۋدىڭ ءبىلىم سالاسىنا قاتىستى ماڭىزدى تۇسۋ دەپ, پرەزيدەنتتىڭ ورتا ءبىلىم بەرۋ جۇيەسىندەگى رەفورمالردى توقتاتۋعا تاپسىرماسىن ايتار ەدىم. سەبەبى وتكەن بىرنەشە جىلدا بۇل سالادا ونسىز دا كوپتەگەن وزگەرىستەر بولدى. جاڭا ءبىلىم بەرۋ ستاندارتى مەن ورتا ءبىلىم مازمۇنى قايتا قارالدى. ەندى مەملەكەت باسشىسى ورتا مەكتەپتەرگە نازارباەۆ زياتكەرلىك مەكتەپتەرىنىڭ تاجىريبەسىمەن مەن ادىستەمەسىن ەنگىزۋدى تاپسىردى. بۇل وسىعان دەيىن باستالعان رەفورمالاردىڭ قورىتىندىسى رەتىندە بولۋى كەرەك دەپ ەسەپتەيمىن.
ورتا ءبىلىم بەرۋ جۇيەسىندەگى ەڭ اۋقىمدى تۇيىتكىلدەردىڭ ءبىرى – ءۇش اۋىسىمدى جانە اپاتتى مەكتەپتەر ەكەنى بەلگىلى. پرەزيدەنت بۇل ماسەلەنىڭ ش تۇبەگەيلى شەشەتىن كەز كەلگەنىن ايتتى. ەلدەگى 127 ءۇش اۋىسىمدى مەكتەپ پەن 44 اپاتتى مەكتەپتەردىڭ پروبلەمالارىن شەشۋ ءۇشىن ۇكىمەتكە الداعى ءۇش جىلدا بيۋدجەتتەن قوسىمشا 50 ميلليارد تەڭگە ءبولۋ تۋرالى تاپسىرماسى بۇل ماسەلەنى شەشۋگە تولىق جەتەدى دەپ ويلايمىن. جولداۋداعى ۇستازدار قاۋىمىنا ارنالعان ەڭ ماڭىزدى ۇندەۋ دەپ «ۇستاز مارتەبەسى تۋرالى» زاڭ قابىلداۋ باستاماسىن ايتۋعا بولادى. مۇنداي قۇقىقتىق قۇجات بىزدە بولعان ەمەس. سوندىقتان ۇستازدار قاۋىمى بۇل زاڭنان ۇلكەن ءۇمىت پەن كەڭ قولداۋ كۇتەدى. مۇعالىمدەر مەن مەكتەپكە دەيىنگى مەكەمە قىزمەتكەرلەرىنە ارنالعان كاسبي يگىلىكتەر مەن ولارعا قاتىستى ءجونسىز تەكسەرىستەردى, مىندەتىنە جاتپايتىن فۋنكتسيالاردى ورىنداۋعا تيىم سالاتىن زاڭنىڭ كەلەسى جىلى قابىلداناتىنى ءبىزدى تەك قۋانتادى. زاڭ جوباسىن جاساقتاۋ ءۇشىن قر ءبىلىم جانە عىلىم مينيسترلىگى جانىنان قۇرىلعان جۇمىس توبىنا ءبىزدىڭ سالالىق كاسىپوداق مۇشەلەرى دە ەنەدى. ءبىزدىڭ بۇل زاڭ جوباسىنا ۇسىناتىن كوپتەگەن نورمالارامىزى بار. قازىر ولاردى ۇستازدار قاۋىمىمەن, زاڭگەرلەرمەن تالقىلاۋ جۇمىستارى باستالىپ كەتتى.
مەملەكەت باسشىسىنىڭ جوعارىدا اتالعان بارلىق قويعان مىندەتتەرى مەن تاپسىرمالارى وتە وزەكتى. بۇگىن دە ءبىزدىڭ مۇعالىمدەرىمىزدىڭ الەۋمەتتىك-ەكونوميكالىق جاعدايى قانشالىقتى ارتسا, سونشالىقتى ەڭبەكتەگى تيىمدىلىگى مەن ماڭىزدى شەشىمدەر قابىلداۋدا ءوزىنىڭ وڭ ناتيجەلەرىن بەرەدى. مۇعالىم كاسىبىنىڭ مارتەبەسى مەن ءيميدجىن ارتتىرا بىلسەك, سوندا عانا قويىلعان مىندەتتەر مەن تاپسىرمالاردى ورىنداۋعا قابىلەتتى بولامىز.
قازاقستاندىق سالالىق ءبىلىم جانە عىلىم قىزمەتكەرلەرىنىڭ كاسىپتىك وداعى مەملەكەت باسشىسىنىڭ جولداۋىن, بارلىق سالاداعى قازاقستاندىق قوعامنىڭ مودەرنيزاتسيالانۋىنا باعىتتالعان باعدارلامالىق ماقساتتارى مەن مىندەتتەرىن تولىقتاي قولداپ, ونىڭ جۇزەگە اسىرىلۋىنا بارىنشا اتسالىسادى.
مايرا امانتاەۆا,
قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى
