باسقوسۋدا مۋزەي باسشىسى نۇربولات احمەتجانوۆ جولداۋدا كورسەتىلگەن ەل دامۋىنىڭ باسىم باعىتتارى مەن مىندەتتەرىنە توقتالدى.
«ماڭىزدى قۇجاتتا قازاقستاننىڭ جالپى الەۋەتتىك ءومىر ساپاسىن جاقسارتۋ جانە ءبىزدىڭ سالاعا قاتىستى مادەنيەت مەن ءتۋريزمدى دامىتۋ ماسەلەلەر قامتىلدى. ەلباسىنىڭ جولداۋى – جاڭا ماقساتتارعا جەتەلەيتىن ەڭ باستى قۇجات بولىپ تابىلاتىنى ايقىن. سوندىقتان مۋزەي ۇجىمىن ەلباسىن جولداۋىن حالىق اراسىندا ناسيحاتتاۋ جۇمىستارىنا, نەگىزگى باسىمدىقتارىنىڭ جوعارى دەڭگەيدە جۇزەگە اسىرىلۋىنا بەلسەندى اتسالىسۋعا شاقىرامىن», دەدى مۋزەي ديرەكتورى نۇربولات قادىر ۇلى.
سونىمەن قاتار مۋزەي ديرەكتورى كەلگەن قوناقتارعا «ازىرەت سۇلتان» قورىق-مۋزەيىنىڭ 2018-2022 جىلدارعا ارنالعان دامۋ كونتسەپتسياسىمەن تانىستىرىپ, الداعى ۋاقىتتا اتالعان كونتسەپتسيا ءوز جەمىسىن بەرەتىنىن سەنىممەن جەتكىزدى.
شاراعا تۇركىستان قالالىق ارداگەرلەر كەڭەسىنىڭ توراعا ورىنباسارى دوسىبەكوۆ پەرنەتاي, مەملەكەتتىك جاستار سىيلىعىنىڭ لاۋرەاتى, سازگەر, ق.ا.ياساۋي اتىنداعى حقتۋ پروفەسسورى بەكجىگىت سەردالى, قر ءبىلىم بەرۋ ءىسىنىڭ ۇزدىگى, «ەتنوپەداگوگيكالىق» كوللەدج ديرەكتورى ايعانىم سەرىم, «وزبەك ەتنومادەني» ورتالىعىنىڭ توراعا ورىنباسارى قوشقاروۆ رايىم, سونداي-اق مۋزەي قىزمەتكەرلەرى قاتىستى.
كەزەكتى جولداۋدى تۇسىندىرۋگە ارنالعان جيىندا قاتىسۋشىلار ەلباسىنىڭ بيىلعى جولداۋى تۋرالى ويلارىن كەڭىنەن ورتاعا سالىپ, ساياسي قۇجاتتىڭ ەرەكشەلىگى مەن ماڭىزدىلىعىن ءسوز ەتتى.
