ءىس-شارا بارىسىندا مەملەكەتتىك ورگانداردىڭ, ەقىۇ حاتشىلىعىنىڭ, ديپلوماتيالىق كورپۋستىڭ, ازاماتتىق قوعامنىڭ, ساراپشىلار مەن اكادەميالىق توپتاردىڭ وكىلدەرى ەقىۇ-نىڭ قازاقستان رەسپۋبليكاسىنداعى 20 جىلدىق قىزمەتىنە قورىتىندى جاسادى, سونداي-اق قازاقستان مەن ۇيىمنىڭ اراسىنداعى ىنتىماقتاستىقتىڭ احۋالى مەن كەلەشەگىن تالقىلادى.
كونفەرەنتسيانى اشقان قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا 2010 جىلى ەقىۇ-عا توراعالىق ەتكەن جانە 26 جىل بويى ونىڭ جۇمىسىنا بەلسەندى اتسالىسىپ كەلە جاتقان مەملەكەت رەتىندە بۇل ءىس-شارانىڭ قازاقستان ءۇشىن ماڭىزدى ەكەنى ايتىلعان قازاقستان پرەزيدەنتى نۇرسۇلتان نازارباەۆتىڭ حاتىن كونفەرەنتسيا قاتىسۋشىلارىنا وقىپ بەردى.
حاتتا ءبىزدىڭ وڭىردەگى قاۋىپسىزدىكتىڭ جانە ىنتىماقتاستىقتىڭ ەڭ وزەكتى ماسەلەلەرىن ۇجىمدىق شەشۋگە ءوز ۇلەسىن قوسۋعا, ەقىۇ-نىڭ باستى قۇجاتتارىنىڭ نەگىزىن سالعان قاعيداتتاردى ازىرلەۋگە جانە ءىس-جۇزىندە قولدانۋعا مۇمكىندىك بەرەتىن جالپى ەۋروپالىق جانە جالپى ەۋرازيالىق ۇدەرىستەرگە قاتىسۋعا ۇمتىلعان قازاقستاننىڭ نيەتى تۋرالى ايتىلادى.
گ.ابدىقالىقوۆا ءوز كەزەگىندە قازاقستاننىڭ سىرتقى ساياساتىنىڭ باسىم باعىتتارىنىڭ ءبىرى بولىپ تابىلاتىن ەقىۇ-مەن ىنتىماقتاستىقتى ودان ءارى نىعايتۋ قاجەتتىگىن اتاپ ءوتتى. ول پرەزيدەنت ن.نازارباەۆتىڭ كۇش-جىگەرىنىڭ ارقاسىندا تابىستى وتكەن 2010 جىلعى ەقىۇ-نىڭ تاريحي ءسامميتى ناتيجەسىندە قابىلدانعان استانا مەرەيتويلىق دەكلاراتسياسىنىڭ ءالى كۇنگە دەيىن وزەكتى ەرەجەلەرىن ەسكە سالدى.
ق.ءابدىراحمانوۆ ءوز سوزىندە مەملەكەتتىك دامۋدىڭ ءارتۇرلى سالالارىندا وزىق تاجىريبەسى مەن ءبىلىمى بار ەقىۇ ميسسياسىن قۇرۋ 1998 جىلى ۇلكەن سۇرانىستا جانە وتە قاجەتتى بولعانىن اتاپ ءوتتى. سول ۋاقىتتان بەرى ەقىۇ-نىڭ قازاقستانداعى دالالىق ميسسياسى قىزمەتىنىڭ ەۆوليۋتسياسى ەلدىڭ دامۋىمەن قاتار ءجۇردى. بۇگىنگى تاڭدا قازاقستاننىڭ ەكونوميكالىق جانە ساياسي دامۋداعى جەتىستىكتەرى رەسپۋبليكانىڭ وزگەرىپ وتىرعان قاجەتتىلىكتەرى مەن باسىمدىقتارىن ەسكەرەتىن دالالىق ميسسيامەن ىنتىماقتاستىقتىڭ جاڭا ءتۇرىن تالاپ ەتەدى.
ىنتىماقتاستىقتىڭ وسىنداي بولاشاق فورماتتىرىنىڭ ءبىرى رەتىندە ەكسپو ينفراقۇرىلىمىنا نەگىزىندە ەقىۇ-نىڭ تاقىرىپتىق ورتالىعىن قۇرۋ ماسەلەسى قاراستىرىلۋدا. ونىڭ باستى ماقساتى وڭىرلىك جانە حالىقارالىق دەڭگەيدە ەكونوميكالىق ءوزارا بايلانىس, ءتيىمدى باسقارۋ, جاسىل ەكونوميكا, اپاتتار قاۋپىن تومەندەتۋ جانە ەنەرگەتيكالىق قاۋىپسىزدىك سالالارىندا ۇزدىك تاجىريبەلەرمەن الماسۋ بولىپ تابىلادى.
وسى تۇرعىدا ق.ءابدىراحمانوۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» مەملەكەت باسشىسىنىڭ قازاقستان حالقىنا ارناعان جاڭا جولداۋىندا ايتىلعان ترانزيتتىك الەۋەت پەن ءتۋريزمدى دامىتۋ بويىنشا مىندەتتەر ەقىۇ-نىڭ استاناداعى باعدارلامالار كەڭسەسىنىڭ قىزمەتى ارقاسىندا ودان ءارى قولداۋ تاباتىنىن اتاپ ءوتتى. مۇنىڭ ءبارى قر مەن ەقىۇ اراسىنداعى ىنتىماقتاستىقتىڭ ۇلكەن الەۋەتىنىڭ دالەلى بولىپ تابىلادى.
كونفەرەنتسيانىڭ نەگىزگى قوناقتارىنىڭ ءبىرى ەقىۇ باس حاتشىسى توماس گرەمينگەر استانادا وتكەن سامميت بۇكىل ەقىۇ ءۇشىن «تاريحي وقيعا» بولدى دەپ اتاپ ءوتتى. ونىڭ ايتۋىنشا, قازاقستان كۇن ءتارتىبىنىڭ كوپتەگەن ماسەلەلەرى بويىنشا ۇيىمدا كوشباسشىلىقتى ساقتاۋدا, سونداي-اق ەكونوميكالىق - ەكولوگيالىق كوميتەتىندە تابىستى توراعالىق ەتۋدە.
ەقىۇ باس حاتشىسى پرەزيدەنت ن.نازارباەۆتىڭ اسا كورنەكتى بىتىمگەرشىلىك ءرولىن جوعارى باعالادى, وعان مەدياتور رەتىندە قول جەتكىزگەن كوپتەگەن جەتىستىكتەر كۋا بولادى. وسىعان بايلانىستى ت. گرەمينگەر قازاقستاننىڭ بەيبىتشىلىكتى ساقتاۋعا قوسقان ۇلەسىن جانە ورتالىق ازيانىڭ مۇددەلەرىن ىلگەرىلەتۋ جانە اۋعانستانداعى بەيبىت ءومىردى قالپىنا كەلتىرۋ باسشىلىققا الىنعان ەلدىڭ بۇۇ قاۋىپسىزدىك كەڭەسىندەگى قىزمەتىن اتاپ ءوتتى.
سونىمەن بىرگە ت. گرەمينگەر ەقىۇ كەڭىستىگىندە سەنىمدىلىك پەن ءوزارا تۇسىنىستىكتى نىعايتۋعا جاردەمدەسەتىن ىنتىماقتاستىقتىڭ جاڭا فورماتتارىنا كوشۋ باستاماسىن قولدادى.
بۇدان باسقا, ەقىۇ اياسىنداعى ديالوگتىڭ, ءوزارا بايلانىستىڭ جانە كوپجاقتى ىنتىماقتاستىقتاعى سەرىكتەستىكتىڭ ەرەكشە ماڭىزى اتالدى. سونىمەن بىرگە, باس حاتشى ەقىۇ الەمدە ەكونوميكالىق ءرولى ارتىپ كەلە جاتقان ازيالىق وڭىرمەن ىنتىماقتاستىقتى جانداندىرۋعا نيەتتى ەكەنىن ايتتى.
مارتەبەلى ۇيىمداستىرۋشىلار, كونفەرەنتسيانىڭ قاتىسۋشىلارى مەن قوناقتارى اراسىندا, قازاقستان رەسپۋبليكاسى پرەزيدەنتى كەڭسەسىنىڭ باسشىسى, قازاقستان رەسپۋبليكاسى تۇڭعىش پرەزيدەنتى - ەلباسى كىتاپحاناسىنىڭ ديرەكتورىنىڭ ۋاقىتشا مىندەتىن اتقارۋشى ماحمۇد قاسىمبەكوۆ, قر پارلامەنتى ءماجىلىسىنىڭ دەپۋتاتى قۋانىش سۇلتانوۆ, قر ادام قۇقىقتارى جونىندەگى ۋاكىل اسقار شاكىروۆ, قر-نىڭ اۋسترياداعى توتەنشە جانە وكىلەتتى ەلشىسى قايرات سارىباي, سونداي-اق شەت ەلدەردىڭ ەلشىلەرى مەن ديپلوماتيالىق كورپۋستىڭ وكىلدەرى بولدى.
كونفەرەنتسيانىڭ قورىتىندىلارى استانالىق دەكلاراتسيانىڭ نەگىزىن قالاعان قاعيدالاردىڭ, ەقىۇ-نىڭ ەڭ ماڭىزدى قاعيداسى رەتىندە انىقتالعان ءبىرتۇتاس جانە بولىنبەيتىن قاۋىپسىزدىكتىڭ ەۋرو-اتلانتيكالىق جانە ەۋرازيالىق قوعامداستىقتى قۇرۋعا باعىتتالعان ماقساتتار مەن مىندەتتەردىڭ وزەكتىلىگىن قايتا راستادى.
