وسى ءبىر ماڭىزدى شاراعا بايلانىستى كەشە ورتالىق كوممۋنيكاتسيالار قىزمەتىندە اۋىل شارۋاشىلىعى ۆيتسە-ءمينيسترى ارمان ەۆنيەۆ ءباسپاسوز ءماسليحاتىن وتكىزدى. «سۋبسيديالاۋ ۇدەرىستەرىن اۆتوماتتاندىرۋ بەرىلگەن وتىنىمدەر مەرزىمىن 2,5 ەسە قىسقارتىپ, جەڭ ۇشىنان جالعاساتىن جەمقورلىقتى ازايتادى», دەپ اتاپ كورسەتتى ول باق وكىلدەرىمەن كەزدەسۋدە.
قازىرگى كۇنگە دەيىن ەلىمىز بويىنشا, اوك جۇمىستارىن سۋبسيديالاۋدىڭ 14 باعىتىنىڭ ىشىنەن تىڭايتقىش بويىنشا سۋبسيديا تولەۋ شارالارىن تولىق اۆتوماتتاندىرۋ جۇرگىزىلدى. اتاپ ايتقاندا, وسى باعىت بويىنشا ونلاين تۇردە 18,2 ملرد تەڭگەگە 20 مىڭ ەلەكتروندىق ءوتىنىم تاپسىرىلعان بولاتىن. قولعا الىنعان اۆتوماتتاندىرۋ شارالارىنىڭ ارقاسىندا 17,1 ملرد تەڭگە سوماسىنداعى وتىنىمدەر تولەندى. اقپاراتتاردى تەكسەرۋ اۆتوماتتى تۇردە جۇزەگە اسىرىلىپ, وتىنىمدەردى قاراۋ مەرزىمى بار بولعانى 1 كۇندى قۇرادى.
جاقىن ارادا ەگىنشىلىك مادەنيەتىنىڭ باسقا دا شارالارىنا سۋبسيديا بەرۋ ماسەلەلەرىن اۆتوماتتاندىرۋ جۇمىسى جۇرگىزىلەتىن بولادى. بۇل رەتتە كوكتەمگى دالا جۇمىستارىنا جانە ەگىن وراعىنا قاجەتتى جانار-جاعارماي ماتەريالدارىنا جانە باسقا دا تاۋارلىق ماتەريالداردىڭ باعاسىنا مەملەكەت تاراپىنان سۋبسيديا تولەۋ ماسەلەلەرى اۆتوماتتى تۇردە جۇزەگە اسىرىلاتىن بولادى. جىلدىڭ اياعىنا دەيىن ەگىنشىلىك سالاسىنداعى قالعان باعىتتار بويىنشا سۋبسيديا تولەۋ شارالارى تولىق اۆتوماتتاندىرىلماق. ءوز كەزەگىندە بۇل بەرىلگەن وتىنىمدەردى قاراۋ مەرزىمىن 2,5 ەسە (18 كۇننەن 7 كۇنگە دەيىن) قىسقارتۋعا مۇمكىندىك بەرەدى. سونىمەن بىرگە سۋبسيديالاۋ جۇيەسىن اۆتوماتتاندىرۋ ادام فاكتورىن ازايتىپ, جەمقورلىق سىبايلاستىققا توسقاۋىل قوياتىن بولادى. مەملەكەتتىك قىزمەتتەردى كورسەتۋ ۇردىستەرىن اۆتوماتتاندىرۋدىڭ تاعى ءبىر ماڭىزدى ىقپالى سۋبسيديالاۋ قاراجاتىن ءبولۋ كوميسسيالارىنىڭ جۇمىسىن توقتاتادى. بۇل سۋبسيديا بەرۋ كەزىندە لاۋازىمدى تۇلعالاردىڭ ءىس-شاراعا ارالاسۋىنا توسقاۋىل قويىپ, جوبالاردى قارجىلاندىرۋدىڭ اشىقتىعىن قامتاماسىز ەتەدى.
سونداي-اق سۋبسيديالاۋ ءۇردىسىن اۆتوماتتاندىرۋ باقىلاۋ مەن مونيتورينگىلەۋدى ناقتى ۋاقىت رەجىمىندە جۇرگىزۋگە مۇمكىندىك بەرەدى. ياعني, فەرمەر ءوزى تاپسىرعان ءوتىنىمدى وتىنىمدەر تىزىمىنەن ناقتى ۋاقىت رەجىمىندە كورە الادى. سونىمەن بىرگە دەرەكتەردى جيناۋ مەن وڭدەۋ بارىسىندا قاعازباستىلىق جويىلادى. ورتالىق جانە جەرگىلىكتى باسقارۋ ورگاندار اراسىنداعى قۇجات اينالىمى تومەندەيدى.
سۋبسيديالاۋ جۇيەسىن اۆتوماتتاندىرۋدىڭ تاعى ءبىر ءتيىمدى جاعى, مەملەكەتتىك قىزمەتتەردى الۋشىلار ءۇشىن ينتەرنەت جەلىسى ارقىلى بارلىق شارالاردى اتقارۋعا مۇمكىندىك بەرەدى. ولار حالىققا قىزمەت كورسەتۋ ورتالىقتارىنا بارماي-اق مەملەكەتتىك قىزمەت كورسەتۋدىڭ جالپى ءۇردىسىن ناقتى ۋاقىت رەجىمىندە باقىلاي وتىرىپ, ۋاقىتتارىن ۇنەمدەيدى. قورىتا ايتقاندا, سۋبسيديا بەرۋ جۇيەسىن اۆتوماتتاندىرۋ شارالارى – اۋىل شارۋاشىلىعى سالاسىنىڭ ەڭبەككەرلەرىنە كورسەتىلگەن ءتيىمدى دە ىقپالدى كومەك.
جىلقىباي جاعىپار ۇلى,
«ەگەمەن قازاقستان»
