ەلىمىزدىڭ ءار وڭىرىندە ۇلى وتان سوعىسى جانە تىل ارداگەرلەرىنىڭ شاڭىراعىندا, قارتتار ۇيلەرىندە بولىپ, اتاۋلى كومەكتەر, مەرەكەلىك كەشتەر مەن سىيلىقتار تابىستادى. اكتسيا اياسىندا جاس وتاندىقتار ەلىمىزدىڭ بارلىق ايماقتارىندا 700-گە جۋىق كومەككە مۇقتاج قارياعا قولعابىس كورسەتىپ, مەرەكەلىك كوڭىل-كۇي سىيلادى.
بەلسەندى جاستار «ارداگەرلەردى ارداقتايىق» پارتيالىق جوباسى بويىنشا 700-دەن استام ۇوس جانە تىل ارداگەرلەرىنە بىرنەشە جىل قاتارىنان جۇيەلى تۇردە كومەك كورسەتىپ كەلەدى. بەلسەندىلەر ءوز وبلىسىندا نەمەسە اۋىلىندا تۇراتىن كومەككە مۇقتاج قاريالاردىڭ ۇيىنە بارىپ, كۇندەلىكتى شارۋالارىنا ءجيى جاردەم بەرەدى. كۇز ايلارىندا قىسقا دايىندىققا كومەكتەسسە, قىستا اۋلالارىن قاردان تازارتىپ, ءۇيىن جيناستىرىپ, شارۋاشىلىعىنا قولعابىس بولادى. اسىرەسە ەرىكتىلەر كوكتەمدە سۋ تاسقىنى مەن باسقا دا اۋا رايىنىڭ قولايسىزدىعىنان قيىندىق كورەتىن اۋىلدى ايماقتا جالعىز تۇراتىن قاريالارعا كومەك كورسەتەدى.
«جاس وتان» جاستار قاناتىنىڭ اتقارۋشى حاتشىسى داۋلەت كارىبەك قاريالار مەن جاستار اراسىندا تىعىز قارىم-قاتىناستىڭ ماڭىزدىلىعىنا توقتالدى.
«ەلىمىزدىڭ بارلىق ايماقتارىندا جاس وتاندىقتار قارتتار ۇيلەرىنە بارىپ, مەرەكەلىك ءىس-شارالار ۇيىمداستىرىپ, ولاردى دەمالىس كۇندەرى تەاتر, كونتسەرتتىك ءىس-شارالارعا اپارادى. جاستاردىڭ ۇلكەندەردەن ۇيرەنەرى كوپ, سول سەبەپتى دە بۇل شارالار تۇراقتى تۇردە ۇيىمداستىرىلىپ تۇرادى».
باستى ماقسات از قامتاماسىز ەتىلگەن قارت ادامدارعا, جالعىزباستى قارت زەينەتكەرلەر مەن قارت مۇگەدەكتەرگە كوڭىل ءبولۋ, ولارعا ماتەريالدىق, الەۋمەتتىك-تۇرمىستىق جانە باسقا دا كومەك تۇرلەرىن كورسەتۋ. بۇل اكتسياسى اي سوڭىنا دەيىن جالعاسادى. سونداي-اق, جاس بەلسەندىلەر «ۇرپاقتار ساباقتاستىعى» اتىمەن بەلگىلى جوبادا اعا بۋىن وكىلدەرىمەن كەزدەسۋلەر ۇيىمداستىرىپ, قاريالاردىڭ ەستەلىكتەرى مەن وقيعالارىن تىڭداپ, وزدەرىنە كەرەك كەڭەستەرىن دە الادى.
ايتا كەتەيىك, حالىقارالىق قارتتار كۇنى بولىپ وسىدان 28 جىل بۇرىن بۇۇ-نىڭ باس اسسامبلەياسىندا بەكىتىلدى. العاشىندا ەۋروپا مەن امەريكادا تويلانىپ كەلگەن مەرەكە ۋاقىت وتە بۇكىلالەمدىك دەڭگەيگە يە بولدى. ەلىمىزدە قارتتار كۇنى رەسپۋبليكالىق دەڭگەيدە جىلدا اتالىپ وتىلەدى.
