بۇگىن «ەگەمەن قازاقستان» گازەتىنىڭ ۇيىتقى بولۋىمەن ەكىنشى مəرتە ۇيىمداستىرىلىپ وتىرعان جارىستىڭ اشىلۋ رəسىمىندە باسىلىم باسشىسى دارحان قىدىرəلى مەن بەلگىلى مەملەكەت جəنە قوعام قايراتكەرى نۇرلان ورازالين ءسوز سويلەپ, تۋرنيرگە قاتىسۋشىلارعا سəتتىلىك تىلەدى. ءبىر كەرەمەتى, دəل وسى كۇنى قازاق رۋحانياتىنا ولشەۋسىز ۇلەس قوسقان مۇحتار اۋەزوۆ, شەرحان مۇرتازا, ورالحان بوكەي سىندى ءۇش بىردەي قابىرعالى قالامگەردىڭ تۋعان كۇنى. قۇتتىقتاۋ بارىسىندا وسىنى تىلگە تيەك ەتكەن دارحان قىدىرالى اتالعان تۋرنير اعا بۋىن مەن جاستار اراسىنداعى ارقاۋى ۇزىلمەگەن رۋحاني ساباقتاستىقتى جالعايتىن التىن كوپىر ەكەنىنە توقتالدى.
جارىس ەكى جاس ەرەكشەلىگى بويىنشا ءوتتى. جاستار اراسىنداعى سايىستىڭ اقتىق سىنىندا «انا ءتىلى» گازەتىنىڭ باس رەداكتورى جاناربەك ءƏشىمجان مەن «جەتىسۋ» گازەتىنىڭ ءتىلشىسى مəدي الجانباي كەزدەسىپ, اسا شيەلەنىستى وتكەن تارتىس جاناربەكتىڭ پايداسىنا شەشىلدى. ءۇشىنشى ورىندى «قازاق راديوسىنىڭ» قىزمەتكەرى ەدىل انىقباي ەنشىلەدى.
اعا بۋىن وكىلدەرى اراسىندا وتكەن كەزدەسۋدە جامبىل وبلىستىق «زناميا ترۋدا» گازەتىنىڭ باس رەداكتورى بەكەت مومىنقۇل مەن «قازاق راديوسىنىڭ» قىزمەتكەرى عالىم ەسەنساريەۆ شەبەرلىك بايقاستى. بۇل بəسەكە عالىمنىڭ پايداسىنا شەشىلدى. ءۇشىنشى ورىن ءۇشىن سايىستا «ەگەمەن قازاقستاننىڭ» قوس ارداگەرى - ماماديار جاقىپ پەن دəۋلەت سەيسەن ۇلى كۇش سىناستى. بۇل ويىندا ماماديار اعانىڭ مەرەيى ۇستەم بولدى.
جارىس اياقتالعان بەتتە «ەگەمەن قازاقستان» اق باسقارما توراعاسى دارحان قىدىرəلى جارىس جەڭىمپازدارى مەن جۇلدەگەرلەرىنە كۋبوك پەن اقشالاي سىيلىقتار تابىس ەتتى. ءسوز ورايى كەلگەندە وسى تۋرنيرگە حالىقارالىق دəرەجەدەگى تورەشى يۋري پيكالوۆ قازىلىق ەتكەنىن ايتا كەتكەن ءجون.
عالىم سۇلەيمەن,
«ەگەمەن قازاقستان»
