ءىس-شارانى حالىقارالىق ءوزارا تۇسىنىستىك جونىندەگى ىسكەرلىك كەڭەس (Business Council for International Understanding, BCIU), سونداي-اق بىرلەسكەن ساۋدا-ەكونوميكالىق جانە ينۆەستيتسيالىق جوبالاردى جۇزەگە اسىرۋعا مۇددەلى امەريكالىق كومپانيالار ۇيىمداستىردى.
«زاماناۋي قازاقستان الەمدىك ەكونوميكاعا ينتەگراتسيالانعان. 2015 جىلدان باستاپ دۇنيەجۇزىلىك ساۋدا ۇيىمىنا مۇشە بولا وتىرىپ, ەكونوميكالىق ىنتىماقتاستىق جانە دامۋ ۇيىمىنا قوسىلۋعا ۇمتىلامىز. پرەزيدەنت نۇرسۇلتان نازارباەۆ ۇلتتىق ەكونوميكانى تسيفرلاندىرۋ مەن تەحنولوگيالىق قايتا جابدىقتاۋعا باستى نازار اۋدارا وتىرىپ, ۇلتتىق ەكونوميكانىڭ ءۇشىنشى جاڭعىرتۋ باعدارلاماسىن ىسكە قوستى», - دەدى ءوز سوزىندە ق. ءابدىراحمانوۆ.
«قازاقستان مەن اقش بيىلعى جىلدىڭ قاڭتار ايىندا نۇرسۇلتان نازارباەۆ پەن دونالد ترامپ قول جەتكىزگەن ۋاعدالاستىقتاردىڭ ناتيجەسىندە ستراتەگيالىق ارىپتەستىك رۋحىندا ساۋدا-ەكونوميكالىق قارىم-قاتىناستاردى نىعايتۋدا. مەملەكەت باسشىلارى ساۋدا مەن ينۆەستيتسيانىڭ ارتۋىنا مۇمكىندىك بەرەتىن, ەكى ەلدە جۇمىس ورىندارى مەن مۇمكىندىكتەردى قۇراتىن ءادىل جانە ءوزارا ءتيىمدى ەكونوميكالىق ارىپتەستىكتى ىلگەرىلەتۋگە جاردەمدەسۋ تۋرالى ۋاعدالاستى», - دەدى ءسىم باسشىسى. ونىڭ ايتۋىنشا, قازاقستان مەن اقش ازاماتتىق اۆياتسيا سالاسىندا تىكەلەي اۋە قاتىناسىن قۇرۋ تۋرالى كەلىسىمگە قول قويۋدى جوسپارلاۋدا.
2017 جىلى قازاقستان مەن اقش اراسىنداعى تاۋار اينالىمى 1,88 ملرد. دوللاردى قۇرادى. امەريكا قۇراما شتاتتارى 42 ملرد. دوللار جالپى ينۆەستيتسيا كولەمىمەن ءداستۇرلى تۇردە قازاقستانداعى ەڭ ءىرى ينۆەستور بولىپ تابىلادى. بىلتىرعى جىلى اقش كومپانيالارى قازاقستان ەكونوميكاسىنا 3,7 ملرد. دوللاردان استام ينۆەستيتسيا سالدى. قازىرگى ۋاقىتتا قازاقستاندا 500-دەن استام اقش كومپانيالارى جۇمىس ىستەيدى, ولاردىڭ التاۋى پرەزيدەنت جانىنداعى شەتەلدىك ينۆەستورلار كەڭەسىنىڭ مۇشەلەرى بولىپ تابىلادى (CITI Group, JP Morgan and Co., Chevron, Exxon Mobil, GE Oil & Gas, Baker & McKenzie Int.). سىرتقى ىستەر ءمينيسترىنىڭ ايتۋىنشا, قازىرگى كەزەڭدە دەنساۋلىق ساقتاۋ, ماشينا جاساۋ, قۇرىلىس, اۋىل شارۋاشىلىعى, ازىق-ت ۇلىك ونەركاسىبى جانە باسقا دا سالالاردا امەريكالىق تاجىريبە سۇرانىسقا يە.
سونىمەن قاتار, ق. ءابدىراحمانوۆ مۇددەلى كومپانيالاردى 2018 جىلعى 25-26 قازاندا استانادا وتەتىن دۇنيەجۇزىلىك دەنساۋلىق ساقتاۋ ۇيىمىنىڭ العاشقى مەديتسينالىق-سانيتارلىق كومەك تۋرالى الماتى دەكلاراتسياسىنىڭ قابىلدانۋىنىڭ 40 جىلدىعىنا ارنالعان جاھاندىق كونفەرەنتسياعا قاتىسۋعا شاقىردى.
قازاقستان دەنساۋلىق ساقتاۋ ۆيتسە-ءمينيسترى الەكسەي تسوي كەزدەسۋدە قازاقستاننىڭ دەنساۋلىق ساقتاۋ سالاسىنداعى امەريكالىق كومپانيالارمەن بىرلەسكەن جوبالار تۋرالى, سونداي-اق ىنتىماقتاستىقتى كەڭەيتۋدىڭ الداعى جوسپارلارى تۋرالى حابارلادى.
