ايماقتىق ءماسليحاتتىڭ كەزەكتى وتىرىسىندا ءوڭىر باسشىسى نۇرلان نوعاەۆ جيىنعا قاتىسۋشىلارعا اتىراۋ وبلىسىنىڭ الەۋمەتتىك-ەكونوميكالىق دامۋىن ايتىپ ءوتتى.
وبلىس اكىمىنىڭ ايتۋىنشا, قازىرگى ۋاقىتتا وڭىردەگى ەكونوميكالىق جاعداي تۇراقتى, مەملەكەت باسشىسىنىڭ تاپسىرمالارى ورىندالۋدا, سونىمەن قاتار بارلىق مەملەكەتتىك باعدارلامالار جوسپارعا سايكەس جۇزەگە اسىرىلىپ وتىر.
- كاسىپكەرلىك سالاسىنا كەلەتىن بولساق, بۇگىنگى كۇنى اتىراۋ وبلىسىندا 45 906 بەلسەندى شاعىن جانە ورتا بيزنەس سۋبەكتىسى تىركەلدى, ءبىرىنشى توقساننىڭ قورىتىندىسى بويىنشا جالپى سوماسى 413,3 ملرد. تەڭگەنىڭ ءونىم ءوندىرىلدى, بۇل وتكەن جىلعىدان 38,7% - عا جوعارى. شاعىن جانە ورتا بيزنەس سۋبەكتىلەرىندە ءبىرىنشى توقسان بويىنشا 121,9 مىڭ جۇمىس ورنى قۇرىلدى, - دەدى نۇرلان نوعاەۆ.
بۇدان وزگە, اتىراۋ وبلىسىندا بيزنەستى قولداۋعا باعىتتالعان مەملەكەتتىك باعدارلامالار بويىنشا جالپى سوماسى 3,1 تريلليون تەڭگەگە 31 ينۆەستيتسيالىق جوبا جۇزەگە اسىرىلۋدا, وندا 3635 جۇمىس ورنى اشىلدى.
اۋىل شارۋاشىلىعىندا دا جاقسى ناتيجەلەرگە قول جەتكىزىلدى. بۇگىنگى تاڭدا ەگىس القابىنىڭ جالپى اۋدانى 8 616 گەكتاردى قۇرايدى, تامشىلاتىپ سۋارۋ ءادىسى 2,540 گەكتارعا پايدالانىلانۋدا. بالىقتىڭ قۇندى تۇرلەرىن ساقتاۋ جانە كوبەيتۋ ءۇشىن بالىق ءوسىرۋ كانالدارىن تەرەڭدەتۋ بويىنشا قيعاش وزەنى بويىنشا 132 شاقىرىم, سونداي-اق جايىق وزەنىنىڭ 62 شاقىرىمىندا جۇزەگە اسىرىلۋدا.
- وبلىستا جۇمىسسىزدىق دەڭگەيى 4,9%, بيىل 27 613 جاڭا جۇمىس ورنىن اشۋ جوسپاردا بولسا, 8 ايدىڭ كورسەتكىشى بويىنشا 20 182 جاڭا جۇمىس ورنى قۇرىلدى, ونىڭ ىشىندە 11 260 ورىن تۇراقتى », - دەدى ءوڭىر باسشىسى.
ءبىلىم بەرۋ سالاسىندا وبلىستا 4 مەكتەپ اپاتتىق جاعدايدا, ولاردىڭ بىرەۋىنە جاڭا عيمارات سالۋ باستالدى, ال قالعان ۇشەۋىنە جوبالىق سمەتالىق قۇجاتتامالارى ازىرلەنۋدە. اتىراۋ وبلىسىندا قازىرگى تاڭدا ءۇش اۋىسىممەن وقيتىن 14 مەكتەپ بار. بۇل ماسەلەنى شەشۋ ءۇشىن 14 جاڭا مەكتەپتىڭ قۇرىلىسى باستالدى, تاعى 8 مەكتەپ مەملەكەتتىك-جەكە مەنشىك ارىپتەستىك قاعيداتى بويىنشا سالىناتىن بولادى. جاڭا وقۋ ورىندارىنىڭ ىسكە قوسىلۋى مەكتەپتەردەگى وقۋشىلاردىڭ كەپتەلۋ ماسەلەسىن شەشۋگە مۇمكىندىك بەرەدى.
- بالاباقشالار بويىنشا مەكتەپ جاسىنا دەيىنگى بالالاردى قامتۋ 95% قۇرايدى, مەملەكەت باسشىسىنىڭ تاپسىرماسى بويىنشا بۇل كورسەتكىشتى 100% - عا دەيىن ارتتىرۋ جوسپارلانۋدا. جەرگىلىكتى بيۋدجەت قاراجاتى ەسەبىنەن جانە ايماقتاعى جەر قويناۋىن پايدالانۋشىلار الەۋمەتتىك اۋدارىمداردىڭ ەسەبىنەن بالاباقشالار مەن مەكتەپكە دەيىنگى مەكەمەلەر سالىنادى. ماسەلەن, وڭىردەگى ءمجا قاعيداسىنا سايكەس, 20 جاڭا بالاباقشا سالۋ جوسپارلانۋدا, - دەپ مالىمدەدى وبلىس اكىمى.
وبلىستا بالا مەن انا ءولىمىنىڭ, تۋبەركۋلەزدىڭ جانە ونكولوگيالىق اۋرۋلاردىڭ تومەندەۋى بايقالادى. مەديتسينالىق نىساندار قازىر 100% ينتەرنەتكە تولىق قوسىلعان كومپيۋتەرلىك تەحنيكامەن جابدىقتالعان, قىزمەتتەردىڭ كوپشىلىگى ەلەكتروندى فورماتتا ۇسىنىلعان.
بۇگىنگى كۇنى وڭىردە ءمجا نەگىزىندە ەكى ماڭىزدى جوبا ىسكە اسىرىلۋدا - كوشەلەردى جارىقتاندىرۋدى جاڭعىرتۋ, سونداي-اق اۋىل تۇرعىندارىنا رەنتگەنوگرافيا قىزمەتتەرىن كورسەتۋ. قازىرگى ۋاقىتتا اتىراۋ قالاسى مەن ونىڭ ماڭىنداعى اۋدانداردا جالپى ۇزىندىعى 106 كم بولاتىن 39 كوشەگە كوشە جارىقتارى جاسالدى. قازىر ءمجا شەڭبەرىندە ايماقتاعى تاعى 194 كوشەنى قامتيتىن كوشەك جارىقتارىن ورناتۋعا كەلىسسوزدەر جۇرگىزىلۋدە.
- جەر قاتىناستارى سالاسىندا بۇگىنگى تاڭدا 500 مىڭ گەكتار جەر مەملەكەتتىك مەنشىككە قايتارىلدى, جاقىن ارادا اۋكتسيونداردا جەر تەلىمدەرى شىعاتىن بولادى. جەكە تۇرعىن-ءۇي قۇرىلىسىنا بولىنگەن 400 ۋچاسكەگە بارلىق قاجەتتى ينفراقۇرىلىمدار جۇرگىزىلۋدە. بۇدان باسقا تاعى 3500 جەر ۋچاسكەسىنە ينجەنەرلىك كوممۋنيكاتسيالار جۇرگىزىلۋدە. - دەدى نۇرلان نوعاەۆ.
بۇگىنگى كۇنى قوعامدىق قاۋىپسىزدىك سالاسىندا وبلىس ورتالىعىنا كىرە بەرىستە 4 ستاتسيونارلىق پوليتسيا بەكەتىنىڭ قۇرىلىسى اياقتالىپ, قالا ماڭىنداعى اۋدانداردا 20 پوليتسيا ۋچاسكەسى سالىنۋدا.
اتىراۋ وبلىسى اكىمىنىڭ بايانداماسىن وبلىستىق ءماسليحاتتىڭ دەپۋتاتتارى ءبىر اۋىزدان ماقۇلداپ, وڭ باعا بەردى.
