مادەني شارا جوسپارى بويىنشا جوعارىدا ايتىلعان جەردە قازاق كوشپەندىلەرىنىڭ قىستاعى ورىن تەپپەك. ۇيىمداستىرۋشىلاردىڭ ءمالىم ەتكەنىندەي, قوناقتار سول كەزدەگى تەحنولوگيا بويىنشا ءجۇن تازالاپ, توقىما توقىپ, ءشيتتى جانە سامان كىرپىشتەر قۇيۋ مۇمكىندىكتەرىنە يە بولادى.
عالىمدار جاڭعىز توبە جانە جۇماق دوڭدەرىنىڭ ماڭىنداعى جەرلەر (قازىر ول سامارقان سۋ قويماسىنداعى ارال مەن تۇبەك) ارعىن رۋىنان شىققان تاتىعۇلدىڭ ورازبەك, نيازبەك جانە تۇرلىبەگىنىڭ قىستاۋلارى بولعان دەگەن دەرەك كەلتىرەدى. ال اقساقالدار بۇل جەرلەردە جۇرت كەم دەگەندە ءحىح عاسىردىڭ 20-جىلدارىنان بەرى قىستاپ كەلگەن دەيدى.
مۇراجاي ماماندارى قىستاقتى قۇرۋ بارىسىندا كوپجىلدىق عىلىمي-زەرتتەۋلەردى نەگىزگە العان. مىسالى, مۇندا ىشكى جابدىقتارى بار, توبەسى شىممەن جابىلعان ءۇي, مالعا ارنالعان قورا-قوپسى ورنالاسادى. سونداي-اق توقىما توقيتىن ستانوك پەن ءجۇن تازارتۋعا ارنالعان قۇرىلعىلار, اس ازىرلەيتىن الاڭ: وت ۇستىندەگى قازان جانە ساماۋرىن قوياتىن تۇرمىستىق ورىن بولماق.
قىستاقتىڭ تۇرمىستىق اۋماعى سول كەزەڭنەن دەرەك بولىپ قالعان سۋرەتتەردى نەگىزگە الا وتىرا قۇرىلعان. جابدىقتىڭ باسىم بولىگى تەمىرتاۋ تاريحي-ولكەتانۋ مۇراجايىنان الىنباقشى.
اتالعان فەستيۆالعا قاراعاندى, تەمىرتاۋ, اباي, ساران جانە شاحتينسك قالالارىنان جۇزدەن استام بەلسەندى جاس قاتىساتىن بولادى. ولارعا ارنالىپ سەمينار مەن ترەنينگتەر, ينتەراكتيۆتى ويىندار مەن ءتۇرلى ۆيكتورينالار ۇيىمداستىرىلادى.
«جاۋىرتاۋداعى كەزدەسۋ» فەستيۆالى تەمىرتاۋدىڭ 73 جىلدىعىنا وراي وتكىزىلمەك.
قايرات ءابىلدا,
«ەگەمەن قازاقستان»
قاراعاندى
