سونداي-اق پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردىڭ ايماقتا جۇزەگە اسىرىلۋ بارىسىمەن تانىسىپ, پارتيانىڭ وبلىستىق اكتيۆىمەن جيىن وتكىزدى. ودان بولەك, «رۋحاني جاڭعىرۋ» باعدارلاماسى بويىنشا وڭىرلىك جوبالاۋ كەڭسەسىندە بولدى جانە وبلىس اكىمى, پارتيا وبلىستىق فيليالىنىڭ توراعاسى ارحيمەد مۇحامبەتوۆپەن بىرگە «7 – 20 – 25» باعدارلاماسى بويىنشا باسپانالى بولعان جەرگىلىكتى تۇرعىندارعا پاتەر كىلتىن تاپسىردى.
ەلباسىنىڭ ساياسي پارتيا كەڭەسىنىڭ كەڭەيتىلگەن وتىرىسىندا بەرگەن تاپسىرماسى بويىنشا سوڭعى ايلاردا پارتيا قىزمەتىن جاڭعىرتۋ جۇمىستارى قارقىن الىپ, بىرقاتار تىڭ جوبالار, جاڭا باستامالار قولعا الىنعانى بەلگىلى. سونىڭ ىشىندە باستاۋىش پارتيا ۇيىمدارىنىڭ ءرولىن كۇشەيتۋ ءىسى دە بار. بۇگىندە ەلىمىز بويىنشا «نۇر وتاننىڭ»
6 مىڭعا جۋىق باستاۋىش پارتيا ۇيىمى بار. 1 ميلليوننان استام نۇروتاندىق وسى ۇيىمدارعا توپتاستىرىلعان. بيىل اتالعان ۇيىمداردىڭ جۇمىسىن جانداندىرۋ ماقساتىندا پارتيا تاريحىندا العاش رەت ەلىمىزدىڭ ءتورت ايماعىندا ارنايى فورۋمدار وتكىزىلدى. وندا قاتىسۋشىلار بپۇ قىزمەتتەرىن ودان ءارى جانداندىرۋعا باعىتتالعان تۇجىرىمداماعا ەنگىزۋ ءۇشىن ءوز ۇسىنىستارى مەن پىكىرلەرىن ءبىلدىردى. ەڭ ءىرى جانە بەلسەندى باستاۋىش پارتيا ۇيىمدارىنىڭ مۇشەلەرى قاراشا ايىندا استانادا وتەتىن رەسپۋبليكالىق فورۋمعا قاتىسپاق.
م.اشىمباەۆ پارتيانىڭ «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق اۋداندىق فيليالىنا قاراستى باستاۋىش پارتيا ۇيىمدارىنىڭ باسشىلىعىمەن كەزدەسۋىندە وسى ماسەلەلەرگە ەرەكشە نازار اۋداردى. اتالعان فيليال 2007 جىلدىڭ ءساۋىر ايىندا قۇرىلعان. بۇگىندە ول مۇشەلەرىنىڭ سانى جاعىنان قوستاناي وبلىسىندا ەڭ ءىرى فيليال بولىپ سانالادى. مۇندا قازىرگى كەزدە 20 مىڭنان استام پارتيا مۇشەسى جانە 31 باستاۋىش پارتيا ۇيىمى بار. م.اشىمباەۆ كەزدەسۋدە باستاۋىش پارتيا ۇيىمدارى جەرگىلىكتى جەرلەردەگى بارلىق پارتيالىق جۇمىستىڭ نەگىزگى ورتالىعى بولۋى كەرەكتىگىن ايتتى.
– پارتيالىق جاڭعىرۋ اياسىنداعى باسىم باعىتتارىمىزدىڭ ءبىرى – باستاۋىش پارتيا ۇيىمدارىن جانداندىرىپ, ولاردىڭ جۇمىس تيىمدىلىگىن ارتتىرۋ. سوعان وراي پاۆلودار, شىمكەنت, قاراعاندى جانە اقتوبە قالالارىندا اتالعان ۇيىمداردىڭ ايماقتىق فورۋمدارىن وتكىزدىك. وندا ۇيىم وكىلدەرى پارتيالىق جاڭعىرۋعا قاتىستى ءوز ويلارىن ايتىپ, ءتۇرلى ۇسىنىستارىن جولدادى. ونىڭ بارلىعى الداعى قاراشا ايىندا استانادا وتەتىن رەسپۋبليكالىق فورۋمدا كەڭىنەن تالقىلانىپ, پىسىقتالادى, – دەدى م.اشىمباەۆ.
سونىمەن قاتار پارتيا توراعاسىنىڭ ءبىرىنشى ورىنباسارى اتالعان فيليالدىڭ جۇمىسىنا ريزاشىلىعىن ءبىلدىرىپ, الداعى مىندەتتەرگە دە نازار اۋداردى.
– ەلباسىنىڭ تاپسىرماسى بويىنشا ءبىز پارتيا قىزمەتىن جاڭعىرتۋ ارقىلى ەلىمىزدىڭ زاماناۋي, ءتيىمدى, جوعارى تەحنولوگيالى ساياسي ۇيىمى رەتىندە قالىپتاسۋىمىز كەرەك. بۇكىل الەم وزگەرىستەرگە ۇشىراعان كەزەڭدە ءبىز دە قازىرگى زاماننىڭ ۇردىستەرىنە بەيىمدەلۋگە ءتيىسپىز. جاقتاستارىمىزعا ءوز يدەيالارىمىزدى تۇسىندىرۋدە جاڭا تاسىلدەردى قولدانىپ, وزىق حالىقارالىق تاجىريبەلەردى ەسكەرۋىمىز قاجەت. سول ارقىلى ەلباسىنىڭ سەنىمدى ساياسي تىرەگى جانە ەلىمىزدىڭ جەتەكشى ساياسي كۇشى بولىپ قالۋىمىز كەرەك, – دەدى م.اشىمباەۆ.
ەلباسى ساياسي كەڭەس وتىرىسىندا «رۋحاني جاڭعىرۋ» باعدارلاماسى «نۇر وتاننىڭ» يدەولوگيالىق پلاتفورماسى بولۋى كەرەكتىگىن ايتقان بولاتىن. سوندىقتان اتالعان باعدارلامانىڭ پارتيا ءۇشىن ماڭىزى جوعارى. وسىعان وراي م.اشىمباەۆ قوستاناي وبلىسىنداعى «رۋحاني جاڭعىرۋ» باعدارلاماسىن جۇزەگە اسىرۋ جونىندەگى وڭىرلىك جوبالىق كەڭسەسىنىڭ جۇمىسىمەن ارنايى تانىستى.
جالپى وبلىستا اتالعان باعدارلاما اياسىندا اۋقىمدى جۇمىستار اتقارىلعانىن اڭعارۋ قيىن ەمەس. سونىڭ ىشىندە «تۋعان جەر» جوباسى بويىنشا ورناتىلىپ, قوستاناي قالاسىنىڭ رۋحىن اسقاقتاتىپ تۇرعان شاقشاق جانىبەك باتىردىڭ ەسكەرتكىشىن ەرەكشە اتاپ وتۋگە بولادى.
بۇدان سوڭ م.اشىمباەۆ ەلباسىنىڭ بەس باستاماسى اياسىندا وڭىردە اتقارىلىپ جاتقان جۇمىستارمەن تانىسۋ ءۇشىن قوستاناي مەملەكەتتىك پەداگوگيكالىق ۋنيۆەرسيتەتىنە باردى. وقۋ ورداسىنىڭ رەكتورى ەركىن ءابىلدىڭ سوزىنە قاراعاندا, بۇگىندە جوعارى وقۋ ورنىندا 2 804 ستۋدەنت ءبىلىم الادى. ۋنيۆەرسيتەتتىڭ 465 ورىندىق 5 قاباتتى ءبىر عانا جاتاقحاناسى بار. دەگەنمەن, تاعى 344 ورىن قاجەت. وسى ماسەلەنى شەشۋ ءۇشىن ەلباسىنىڭ بەس الەۋمەتتىك باستاماسى اياسىندا ءۇش قاباتتى, ارقايسىسى 86 ورىندىق 4 عيماراتتان تۇراتىن كامپۋس سالۋ جوسپارلانىپ وتىر.
بەس الەۋمەتتىك باستاما اياسىنداعى «7 – 20 – 25» باعدارلاماسى دا قوستاناي وبلىسىندا تابىستى جۇزەگە اسىرىلۋدا. قازىردىڭ وزىندە بىرقاتار قوستانايلىقتار وسى باستامانىڭ ناتيجەسىندە تۇرعىن ۇيگە قول جەتكىزىپ, باسپانالى بولۋدا. اتاپ ايتقاندا, جاڭادان بوي كوتەرگەن «التىن ارمان» شاعىن اۋدانىنداعى بىرنەشە كوپ قاباتتى ءۇي «7 – 20 – 25» باعدارلاماسى بويىنشا بەرىلۋدە. م.اشىمباەۆ وسىنداي قۋانىشقا كەنەلگەن پاتەر يەلەرىن قۇتتىقتاپ, سالتاناتتى كىلت تاپسىرۋ راسىمىنە قاتىستى.
«نۇر وتان» پارتياسى توراعاسىنىڭ ءبىرىنشى ورىنباسارى وبلىسقا ساپارى بارىسىندا پارتيالىق جوبالاردىڭ جۇزەگە اسىرىلۋ جايىمەن دە تانىستى. اتاپ ايتقاندا, ول پارتيانىڭ IT-ماماندار دايارلاۋ ءۇشىن «20 ءىت-ورتالىق» جانە بالالارعا ارنالعان تەگىن «1000 IT-سىنىپ» اشۋ جوبالارىن جۇزەگە اسىرۋدا كوپكە ۇلگى بولىپ وتىرعان مامانداندىرىلعان «وزات» ليتسەيىندە, سونداي-اق رۋدنىي قالاسىنداعى №2 گيمنازيادا بولدى.
سونىمەن قاتار پارتيانىڭ وبلىستىق اكتيۆىمەن كەزدەستى.
ءنازيرا جارىمبەت,
«ەگەمەن قازاقستان»
قوستاناي وبلىسى
