پاۆيلوندى «Made in Kazakhstan» برەندىمەن وسىلاي ۇسىنۋ فورماتى ەلدىڭ ەكسپورتتىق الەۋەتىن ءتيىمدى تانىستىرۋعا, تانىمالدىعىن ارتتىرىپ, قازاقستاندىق ءونىمدى شەتەلدە ىلگەرىلەتۋگە مۇمكىندىك بەرەدى. وسى ماقساتتا قازاقستاننىڭ سىرتقى ساۋدا پالاتاسى وتاندىق وندىرۋشىلەردىڭ وتكىزۋ نارىعىن كەڭەيتىپ, جاڭا سەرىكتەستەر ىزدەۋىنە كومەكتەسۋ ءۇشىن وسىنداي كورمەلەرگە قاتىستىرادى. قازاقستاندىق ءونىمدى ەكسپورتتاۋدىڭ گەوگرافياسىن كەڭەيتۋ جانە ەكسپورتتىق اعىندى ارتتىرۋ ارقىلى وتاندىق وندىرۋشىلەرگە قولداۋ جاسالادى.
«بۇگىنگى تاڭدا ءبىزدىڭ كومپانيامىز قازاقستان نارىعىندا شاي جانە دامدەۋىش ءوندىرۋ بويىنشا وزىق تۇر. اتالعان كورمە جاڭا ديستريبيۋتورلاردى تابۋ عانا ەمەس, سونىمەن بىرگە اعىمداعى سەرىكتەستەرمەن كەزدەسۋ, بارلىق جوسپارلاردى وسى جەردە تالقىلاۋعا مۇمكىندىك بەردى», - دەپ اتاپ ءوتتى «مالۋ» جشس جەتەكشىسى ۆاسيلي گريششەنكو.
ونىڭ ونىمدەرى وسىمەن ەكىنشى جىل قاتارىنان «World food Moscow» كورمەسىندە «جىل تاۋارى» ماراپاتىنا يە بولىپ وتىر. «وتكەن جىلى ءبىز شايىمىزبەن «التىنعا» يە بولعانبىز, وسى جىلى دامدەۋىشتەردىڭ «ماگيا ۆكۋسا» جانە «گۋرمان» اتتى قوس ماركاسى بىزگە «كۇمىس» الىپ كەلدى», - دەدى كومپانيا ديرەكتورى.
بۇل رەسەيلىك سەرىكتەستەردىڭ قازاقستاندىق ونىمگە قىزىعۋشىلىعى ارتقانىن بىلدىرەدى. قازاقستاندىق تاۋار وندىرۋشىلەر وسىنداي كورمەلەرگە قاتىسۋ ءتۇرلى ەلدەر دەلەگاتتارىنىڭ اراسىنداعى ءوزارا ءتيىمدى قاتىناستاردى ودان ءارى دامىتۋعا جاقسى اسەرىن تيگىزەتىنىن ايتىپ وتىر. ويتكەنى, قازاقستاننىڭ سىرتقى ساۋدا پالاتاسى «ۆ2ۆ» فورماتىندا الەۋەتتى ساتىپ الۋشىلارمەن كەلەشەكتەگى كەزدەسۋلەرگە جانە ىسكەرلىك كەلىسسوزدەرگە ارنالعان ساۋدا كەلىسسوز جۇرگىزۋ ايماقتارىن ازىرلەيدى. «World Food Moscow 2018» 1500-دەن استام رەسەيلىك جانە الەمنىڭ 65 ەلىنەن كەلگەن شەتەلدىك كومپانيالار, 17 فەدەرالدى جانە ايماقتىق جەلىلەر, ازىق-ت ۇلىك پەن سۋسىن يمپورتتاۋشىلار مەن ءىرى ديستريبيۋتورلاردىڭ باسىن قوستى.
