«Eni» كومپانياسىنىڭ بارلاۋ جانە ءوندىرۋ جونىندەگى ديرەكتورى انتونيو ۆەللا ءدال قازىرگى ۋاقىت «قاراشىعاناق» جوباسىن دامىتۋعا قولايلى ەكەندىگىن اتاپ ءوتتى.
«بۇگىندە الەمدە مۇناي ءوندىرۋ كولەمىنىڭ تومەندەۋىمەن قاتار ونىڭ باعاسى قىمباتتاعانى بايقالىپ وتىر. ءبىز مۇنى پايدالانۋىمىز قاجەت. ءبىزدىڭ كومپانيا قازاقستاندىق جوبالاردى ينۆەستيتسيالاۋدى بەلسەندەتۋدى جوسپارلاپ وتىر», - دەپ اتاپ ءوتتى ا. ۆەللا.
كەزدەسۋ بارىسىندا «Eni» كومپانياسىنىڭ وكىلدەرى يتالياندىق كومپانيا قازاقستانمەن جاسىل ەنەرگەتيكانى دامىتۋ سالاسىندا دا ىنتىماقتاستىق ورناتۋعا قىزىعۋشىلىق بىلدىرەتىنىن اتاپ ءوتتى. بۇگىندە تاراپتار اقتوبە وبلىسىندا جەل ەلەكتر ستانتسياسىن سالۋ جانە جامبىل وبلىسىندا «بۋرنوە» كۇن ەلەكتر ستانتسياسىن ينۆەستيتسيالاۋ بويىنشا كەلىسسوزدەر جۇرگىزۋدە.
سونىمەن بىرگە تاراپتار قاراشىعاناق جوباسى بويىنشا 2012 جىلدان بەرى جالعاسقان داۋدى رەتتەۋ ماسەلەسىندەگى ىلگەرىلەۋدى اتاپ ءوتتى. انتونيو ۆەللا احمەتجان ەسىموۆكە اتالعان ماسەلە بويىنشا قابىلدانعان وزگەرىستەرگە العىسىن ءبىلدىردى. بيىلعى جىلدىڭ قاراشا ايىندا جوبا بويىنشا داۋدى رەتتەۋ تۋرالى كەلىسىمگە قول قويۋ جوسپارلانىپ وتىر.
