وسىمەن تۇپ-تۋرا 10 جىل قاتارىنان وتكىزىلىپ, بيىل استانا قالاسىنىڭ 20 جىلدىعىنىڭ اياسىندا ۇيىمداستىرىلعان شارانىڭ ماقساتى استانا قالاسىنىڭ دارەجەسىن كوتەرۋگە ۇلەسىن قوسا وتىرىپ, مەملەكەتتىك جاستار ساياساتىنا اتسالىسۋ بولاتىن.
سونداي-اق − «ماڭگىلىك ەل» جالپىۇلتتىق پاتريوتتىق يدەيانىڭ, جالپىعا ورتاق ەڭبەك قوعامى يدەياسى جانە ونىڭ قۇندىلىقتارىن, ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان مىندەتتەرگە ءوز ۇلەسىن قوسۋ جانە ناسيحاتتاۋ بولىپ تابىلادى.
بارلىعى 17 كوماندا قاتىسقان «اكىم كۋبوگى» ءوز ماقساتىنا جەتكەندەي. ويتكەنى ءۇشىنشى جىل قاتارىنان شاراعا شەتەلدىك كوماندالار قاتىستى. بيىل قىرعىزستاندىق «الاتوو» كومانداسى سايىستىڭ ماڭىزىن ارتتىردى.
الاتوو
جايدارمانشىلاردىڭ ونەرىنە باعا بەرگەن قازىلار القاسىنىڭ قۇرامىندا: «قازاق راديولارى» جشس باسشىسى ءمادي ماناتبەك, قوعام قايراتكەرى مۇرات ابەنوۆ, ساتيريك كوپەن امىربەك, قر پارلامەنتى ءماجىلىسىنىڭ دەپۋتاتى باحتيار ماكەن جانە استانا قالاسى قوعامدىق دامۋ ىستەرى باسقارماسىنىڭ باسشىسى دانيار ەسين بولدى.
قازىلار القاسى
ويىن ناتيجەسىندە باس جۇلدە مەن 1 000 000 تەڭگە كولەمىندەگى قارجىلاي سىيدى 2015 جىلعى جوعارى ليگا چەمپيونى «كۇلتەگىن» كومانداسى قانجىعاسىنا بايلادى.
كۇلتەگىن
ال ەكىنشى ورىندى (500 000 تەڭگە) بيىل العاش ماۋسىمدارىن باستاپ جاتقان الماتى تەحنولوگيالىق ۋنيۆەرسيتەتىنىڭ «يۋسۋف مەروعلىنىڭ قارىنداستارى» كومانداسى يەلەندى.
يۋسۋف مەروعلىنىڭ قارىنداستارى
ميلليونعا قانشا ۇمىتتەنسە دە, كوماندا اتاۋىمەن لايىق بولسا دا, ءسال دايىندىقتارى كەم ءتۇسىپ, شىمكەنتتىك «ميلليون» قولا جۇلدە مەن ءۇش ءجۇز مىڭ تەڭگەگە قانات ەتتى.
ميلليون
قازىلار ارنايى جوبانىڭ ۇزدىك ويىنشىسى رەتىندە «زەرتاس» كومانداسىنداعى اڭگىمەشىل جىگىت نۇرلىبەك جاپپاردى تاڭداپ, ءبىر اۋىزدان 200 000 تەڭگەنى تابىستادى.
نۇرلىبەك جاپپار
بۇل جوبا كەلگەن كورەرمەنگە دە, قاتىسقان توپتارعا ەرەكشە اسەر قالدىردى. جوعارى دەڭگەيدەگى ۇيىمداستىرۋ جانە كاسىبي رەداكتورلىق جۇمىس ناتيجەسىندە جىلدىڭ باستى ويىنى ءساتتى وتكىزىلدى. تەك وكىنىشتىسى — حالىققا سۇيىكتى «كۇلتەگىن» سەكىلدى كوماندالاردىڭ ساحنامەن قوشتاسقانى. جايدارماننىڭ ەسىكتەرى ارقاشان سۇيىكتى تۇلەكتەرى مەن كورەرمەندەرىنە ايقارا اشىق ەكەنىن ايتقىمىز كەلەدى.
بارلىق قاتىسۋشىلار
