كەلىسسوزدەر بارىسىندا ەكى ەلدىڭ سىرتقى ساياسي ۆەدومستۆولارىنىڭ باسشىلارى ءتۇرلى سالالارداعى ەكىجاقتى ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلاپ, ايماقتىق جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
قازاقستان افريكا ەلدەرى, سونىڭ ىشىندە گامبيامەن ەكىجاقتى قارىم-قاتىناستى دامىتۋعا ۇلكەن ءمان بەرىپ وتىرعانى اتاپ ءوتىلدى. «قازاقستان افريكاداعى ۇلكەن الەۋەتكە يە پروتسەستەرگە قىزىعۋشىلىقپەن قاراپ وتىر. ءبىزدىڭ ەلىمىز 2013 جىلدان بەرى افريكا وداعىنا بايقاۋشى ەل بولا وتىرىپ, بۇل ۇيىمنىڭ ءوسىپ كەلە جاتقان ماڭىزدىلىعىن اتاپ وتەمىز. استانا وسى ۇيىممەن ءتيىمدى جۇمىس بايلانىستارىن ورناتۋعا جانە ونىڭ مۇشەلەرىمەن ىنتىماقتاستىقتى ودان ءارى نىعايتۋعا مۇددەلى», - دەدى ق. ءابدىراحمانوۆ.
گامبيانىڭ قر پرەزيدەنتى نۇرسۇلتان نازارباەۆتىڭ تاراتپاۋ, قارۋسىزدانۋ, تەرروريزمگە قارسى تۇرۋ, تۇراقتى الەۋمەتتىك-ەكونوميكالىق دامۋدى قامتاماسىز ەتۋ جونىندەگى سىرتقى ساياسي باستامالارىنا قولداۋ كورسەتۋى اتاپ ءوتىلدى. وعان قوسا, بۇل باتىسافريكالىق مەملەكەت قازاقستاننىڭ 2017-2018 جج. ارنالعان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە كانديداتۋراسىن قولدادى, سونداي-اق «ەكسپو-2017» حالىقارالىق مامانداندىرىلعان كورمەسىنە قاتىستى جانە قر پرەزيدەنتىنىڭ باستاماسى بولىپ سانالاتىن ازىق-ت ۇلىك قاۋىپسىزدىگى جونىندەگى يسلام ۇيىمىنىڭ جارعىسىنا قول قويىپ, ونى راتيفيكاتسيالادى.
يىۇ شەڭبەرىندە ىنتىماقتاستىق ماسەلەلەرى جەكە تالقىلاندى. قازاقستاننىڭ سىرتقى ساياسي ۆەدومستۆوسىنىڭ باسشىسى 2019 جىلى گامبيادا وتەتىن يىۇ 14-ءشى ءسامميتىنىڭ ۇيىمداستىرىلۋىن قۇپتايتىنىن جانە قازاقستاندىق دەلەگاتسيا ءتيىستى دەڭگەيدە قاتىساتىندىعىن مالىمدەدى.
ەكونوميكالىق سالاداعى ىنتىماقتاستىق پەرسپەكتيۆالارىن تالقىلاۋ بارىسىندا ق. ءابدىراحمانوۆ قازاقستان ەنەرگەتيكا, تاۋ-كەن ونەركاسىبى, ينفراقۇرىلىم جانە تۋريزم سالالارىنداعى ەكى جاقتى ىنتىماقتاستىقتى دامىتۋعا مۇددەلى ەكەنىن اتاپ ءوتتى.
