«عابيت جاقىپباي ۇلى بايجانوۆ قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالسىن, ول قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى قىزمەتىنەن بوساتىلسىن», - دەلىنگەن مەملەكەت باسشىسى نۇرسۇلتان نازارباەۆتىڭ جارلىعىندا.
سونداي-اق مەملەكەت باسشىسىنىڭ جارلىعىمەن مارات ەرسايىن ۇلى شايحۋتدينوۆ قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى مىندەتىن ۋاقىتشا اتقارۋدان بوساتىلدى.
عابيت بايجانوۆ 1963 جىلى تۋعان. ۇلتتىق قاۋىپسىزدىك كوميتەتى «بارلاۋ» قىزمەتى ديرەكتورىنىڭ ورىنباسارى (2007 جىل);
«سىربار» سىرتقى بارلاۋ قىزمەتى ديرەكتورىنىڭ ءبىرىنشى ورىنباسارى (2009-24.02.2015);
«سىربار» سىرتقى بارلاۋ قىزمەتىنىڭ ديرەكتورى (24.02.2015 جىلدان باستاپ, 04.05.2015 جىلى قايتا تاعايىندالدى) بولىپ ەڭبەك ەتكەن.
سوڭعى لاۋازىمى - «سىربار» سىرتقى بارلاۋ قىزمەتىنىڭ ديرەكتورى. ءىى دارەجەلى «داڭق» وردەنىمەن ماراپاتتالعان.
گەنەرال-مايور (05.05.2010), سىرتقى بارلاۋدىڭ گەنەرال-لەيتەنانتى (03.05.2018) شەندەرىنە يە.
