توراعا قازاقستانداعى جۇمىسىنىڭ باستالۋىمەن قۇتتىقتاپ, ەلشىگە تىلەكتەستىگىن ءبىلدىردى. سونىمەن قاتار, ديپلوماتيالىق قىزمەتى ەكىجاقتى ىنتىماقتاستىقتاعى ماڭىزدى مەجەگە تۇسپا-تۇس كەلگەنىن – ەكى ەلدىڭ اراسىنداعى ديپلوماتيالىق قاتىناستار ورناعانىنا 25 جىل تولعالى وتىرعانىن اتاپ ءوتتى. «بۇل جىلدار ىشىندە ءبىزدىڭ ەلدەرىمىز اراسىنداعى قاتىناستار, ونىڭ ىشىندە جوعارى دەڭگەيدەگى ساپارلار الماسۋدىڭ ارقاسىندا دوستىق بايلانىستار ەلەۋلى تۇردە نىعايدى», - دەدى قاسىم-جومارت توقاەۆ.
اڭگىمە بارىسىندا قازاقستان مەن برازيليانىڭ ءوزارا پارلامەنتارالىق ءىس-قيمىلىن, ونىڭ ىشىندە پارلامەنتارالىق ۇيىمدار اياسىنداعى ىنتىماقتاستىقتى ودان ءارى بەلسەندى جۇرگىزۋگە مۇددەلىلىك ءبىلدىرىلدى. ق.توقاەۆتىڭ ايتۋىنشا, ساۋدا-ەكونوميكالىق جانە ساياسي ىنتىماقتاستىقتى ورىستەتۋ ءۇشىن ەلەۋلى مۇمكىندىكتەر بار. بۇل تۇرعىدا برازيليا سىرتقى ىستەر ءمينيسترىنىڭ الداعى ساپارىنىڭ ماڭىزى زور بولعالى تۇر. «بۇل ەكىجاقتى قاتىناستاردا ماڭىزى زور وقيعا, بۇل ساپار ءبىزدىڭ ەلدەرىمىزدىڭ ىنتىماقتاستىعىنا سالماقتى سەرپىن بەرەدى», - دەدى سەنات توراعاسى.
