كونگرەسس جۇمىسىنا ازيانىڭ, اقش-تىڭ جانە ەۋروپانىڭ 20 ەلىنەن 200-دەن استام وكىلدەر كەلدى. ولاردىڭ قاتارىندا الەمنىڭ جەتەكشى ۋنيۆەرسيتەتتەرىنىڭ عالىمدارى, ۇلتتىق ساپا ۇيىمىنىڭ وكىلدەرى, سونداي-اق بيزنەس-قۇرىلىمداردىڭ مەنەدجەرلەرى بار.
كونگرەسستى ازيا ساپا جەلىسىنىڭ پرەزيدەنتى ازات ءابدىراحمانوۆ قۇتتىقتاۋ سوزىمەن اشىپ, ءسوز كەزەگىن قاتىسۋشىلارعا ۇسىندى. «اتامەكەن» ۇلتتىق كاسىپكەرلەر پالاتاسى توراعاسىنىڭ ورىنباسارى ەلدوس رامازانوۆ «اتامەكەن» ۇكپ توراعاسى اسقار مىرزاحمەتوۆتىڭ قاتىسۋشىلارعا ارناعان ءسوزىن وقىپ, ساپا سالاسىنا قاتىستى بۇل كونگرەسستىڭ ماڭىزىن اتاپ ءوتتى.
ال, ءوز كەزەگىندە تەحنيكالىق رەتتەۋ جانە مەترولوگيا كوميتەتىنىڭ توراعاسى ارمان شاققاليەۆ ازيا ساپا جەلىسىنىڭ ساپا مەنەدجمەنتىنە قاتىستى شارالارى دۇنيە جۇزىندەگى الدىڭعى قاتارلى تاجىريبەلەردى يگەرۋگە ىقپالداساتىندىعىنا توقتالدى.
كونگرەسس جۇمىسى دۇنيەجۇزىنە تانىمال ساپا مەنەدجمەنتى سالاسىنداعى كاسىپقوي ماماندار پروفەسسور نورياكي كانو (جاپونيا), كلاەس بەرلين (شۆەتسيا), موحامەد زايري ( ۇلىبريتانيا), لين حاي (قىتاي), ۆان سەون شين (وڭتۇستىك كورەيا) جانە ت.ب. ساپا مەنەدجمەنتىندەگى جۇيەلى ءارى وزىق ادىستەرگە نەگىزدەلگەن تاجىريبەلەرىمەن جالعاسىن تاپتى.
كومپانيالاردى باسقارۋدىڭ ەڭ وزىق تۇجىرىمداماسىمەن تانىستىرۋعا, كوشباسشىلىققا قول جەتكىزۋ, باسەكەگە قابىلەتتىلىك سالاسىندا ۇزدىك دۇنيەجۇزىلىك پراكتيكالىق تاجىريبەسى تۋرالى اقپارات تاراتۋ مەن ءوندىرىس ورىندارىنىڭ ونىمدەرى مەن كورسەتەتىن قىزمەتتەرىنە باعىتتالعان كونگرەسس بارىسىندا ANQ باسقارما توراعاسى ازات ابدراحمانوۆ, «اتامەكەن» ۇكپ توراعاسىنىڭ ورىنباسارى ەلدوس رامازانوۆ جانە ANQ قۇرمەتتى پرەزيدەنتى نورياكي كانو قازاقستاندىق بيزنەسمەندەر, كاسىپەرلەر ءۇشىن ساپا سالاسىندا جەتىستىكتەرگە جەتۋگە باعىتتالعان جەتىستىكتەردى ەنگىزۋ تۋرالى ىنتىماقتاستىق كەلىسىمىنە قول قويدى. ANQ قۇرمەتتى پرەزيدەنتى نورياكي كانو سالاداعى ۇزدىك مەنەدجەرلەرگە ارنايى سىيلىق تاپسىردى.
2002 جىلى قۇرىلعان ازيا ساپا جەلىسى (ANQ) ازيادا نەگىزگى ميسسياسى عىلىم مەن تەحنيكانىڭ پروگرەسىنە كومەكتەسۋ, ونەركاسىپتىڭ دامۋى مەن ادام ءومىرىنىڭ ساپاسىن جاقسارتۋعا اتسالىساتىن ۇيىم بولىپ تابىلادى. وعان ازيانىڭ 17-دەن استام مەملەكەتىنىڭ ۇلتتىق ساپا ۇيىمدارى كىرەدى, ونىڭ ىشىندە: قازاقستان, ءۇندىستان, قىتاي, وڭتۇستىك كورەيا, رەسەي, سينگاپۋر, جاپونيا, تايلاند, ت.ب. بار. ازيا ساپا ۇيىمىن قۇرۋدىڭ باستاماشىسى ساپا مەنەدجمەنتىنىڭ بىلگىر مامانى – نورياكي كانو.
وسى ءىس-شاراعا قاتىسۋ ءۇشىن قازاقستان ايماقتارىنان بىرقاتار كومپانيا وكىلدەرى دە قاتىسۋدا. كونگرەسس كاسىپورىنداردى باسقارۋدا, يننوۆاتسيالاردى پايدالانۋ ماسەلەلەرىنە وراي تاجىريبە الاڭى بولىپ تابىلادى ءارى بولاشاقتا ساپالى ءونىم قاتارىن كوبەيتىپ, كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى.
كونگرەسس شەڭبەرىندە كاسىپورىندار اراسىندا ىنتىماقتاستىققا قول جەتكىزۋ ماقساتىندا قازاقستاندىق وندىرۋشىلەردىڭ كورمەسىن وتكىزىلۋدە.
ەلۆيرا سەرىكقىزى,
«ەگەمەن قازاقستان»
الماتى
