پەتروپاۆل قالاسى اكىمىنىڭ ورىنباسارى قايروللا عالەەۆتىڭ مالىمدەۋىنشە جىلۋ ءبىرىنشى كەزەكتە دەنساۋلىق ساقتاۋ, ءبىلىم بەرۋ سالالارىنىڭ عيماراتتارىنا بەرىلىپ, الەۋمەتتىك نىسانداردىڭ 70 پايىزدايى قامتىلعان. بىلتىر جىلۋ بەرۋ مەرزىمىنەن كەش باستالسا, بيىل جەرگىلىكتى بيلىك ورىندارى ەرتە قامدانعانعا ۇقسايدى.
ءبىر مىڭعا جۋىق كوپقاباتتى ۇيلەردىڭ 700-نە جىلۋ ەسەپتەگىش قۇرالدارى ورناتىلعان. «پەتروپاۆل جىلۋ جەلىلەرى» جشس ء–ى 10,5 شاقىرىم جىلۋ ماگيسترالىن قالپىنا كەلتىرگەن. 44 سورعى ستانتسياسى ءازىر. № 2 پەتروپاۆل جىلۋ ەلەكتر ورتالىعى 6 قۇبىر مەن 8 قازاندىقتى جوندەۋدەن وتكىزگەن. «قىزىلجار سۋ» كاسىپورنى 326 شاقىرىم جىلۋ قۇبىرىنا جۋىپ-شايۋ جۇمىستارىن جۇرگىزگەن.
دەسەك تە, بەيقامدىققا سالىنۋعا بولمايدى. ويتكەنى جەكەلەگەن تۇرعىندار مەن پاتەر يەلەرى كووپەراتيۆتەرىنىڭ قيمىلى باياۋ. سونىڭ سالدارىنان كوپقاباتتى تۇرعىن ۇيلەردىڭ جارتىسىنىڭ عانا دايىندىق پاسپورتى تەكسەرىلگەن.
پەتروپاۆل قالاسى جىلۋمەن 25 قىركۇيەككە دەيىن تولىق قامتاماسىز ەتىلمەك.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
