بىرىنشىدەن, اقپاراتتا ايتىلعان اسارلاتىپ سالىنعان جاتاقحانا يندۋستريالدى-تەحنيكالىق كوللەدجگە ەمەس, ارال كوپسالالى كوللەدجىنە تيەسىلى. يندۋستريلدى-تەحنيكالىق كوللەدجىنىڭ ستۋدەنتتەرىنە ارنالعان جاتاقحانا بولماعان.
ەكىنشىدەن, ءبىلىم باسقارماسى تاراپىنان قىزمەتتىك تەكسەرىس بارىسىندا ارال كوپسالالى كوللەدجىنىڭ بارلىق قاجەتتى قۇجاتتارى (مەملەكەتتىك اكت, تەحنيكالىق پاسپورت جانە وقۋ ورنىنىڭ بۇيرىعى) بار ەكەنى انىقتالدى. مەملەكەتتىك اكت 25.04.2013 جىلى, تەحپاسپورتى 23.02.2007جىلى جاسالعان.
وسىلايشا, كوللەدج جاتاقحاناسىنىڭ كوپتەگەن جىلدار بويى رەسمي قۇجاتتارسىز جۇمىس ىستەپ جاتقانى تۋرالى اقپارات زاڭسىز دەيدى ءبىلىم باسقارماسى.
اسىلىندە, جاتاقحانا عيماراتىنىڭ زاڭسىز سالىنعانىن قوعامدىق باقىلاۋ وكىلدەرى, اتاپ ايتقاندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى جانىنداعى مونيتورينگتىك توپ انىقتاعان بولاتىن.
باقتيار تايجان,
«ەگەمەن قازاقستان»
قىزىلوردا وبلىسى
