بيىل گەوگرافيالىق قاۋىمداستىق مۇشەلەرى استانا قالاسىنىڭ 20 جىلدىعىنا وراي الماتى وبلىسى اۋماعىنداعى 7 شىڭدى يگەرۋگە بەل بۋعان. جاز بويى الپينيستەر مەن تابيعاتتانۋشىلار لاباسى, فۋرمانوۆ, پانوراما, باشۋتا,تۋريست, تەكەلى اتاۋلارىن يەلەنگەن جوعار الاتاۋى شىڭدارىنىڭ باسىنا شىقتى. ال ءحاڭتاڭىرى شىڭىنا ارنايى مەديا-ەكسپەديتسيا بارىپ, قايتتى. بيىل گەوگرافيالىق قاۋىمداستىق مۇشەلەرى جالپى بيىكتىگى 20 مىڭ مەتر بولاتىن تاۋ باسىنا اياق باسىپ, ەلىمىزدىڭ كوك تۋىن قۇز باسىنا قادادى. باعىنعان شىڭ-قۇزدىڭ ەڭ بيىگى 7 مىڭ مەترلىك ءحانتاڭىرى بولسا, ەڭ الاساسى 1500 مەترلىك تەكەلى شىڭى بولدى.
- تاۋ اسىپ, شىڭ باسىنا شىعۋ تاۋەكەلى كوپ, قاۋىپ-قاتەرى مول جۇمىس. كاسىبيلىك پەن جاۋجۇرەكتىلىك قانا ەمەس, تۋعان جەرگە, تابيعاتقا دەگەن سۇيىسپەنشىلىكتى تە تالاپ ەتەدى. جالپى, قاۋىمداستىقتىڭ ماقساتى وڭىردەگى تاۋ ءتۋريزمىن دامىتۋ مەن جاستار اراسىندا سالاۋاتتى ءومىر سالتىن قالىپتاستىرىپ, الپينيزمگە قىزىعۋشىلىقتارىن وياتۋ. قازىر 12 مۇشەمىز بار. قاۋىمداستىق قاتارىنا قوسىلعىسى كەلەتىندەر بار. الداعى كۇندەرى جەتىسۋدىڭ گەوگرافياسىن, تاريحىن, ەتنوگرافياسىن زەرتتەۋگە ىقىلاستى جاستاردى مۇشەلىكە قابىلداماقشىمىز, - دەيدى «جەتىسۋ» گەوگرافيالىق قاۋىمداستىعىنىڭ جەتەكشىسى ء انۋار دەمەگەنوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى
