سىرتقى ىستەر ءمينيسترى قايرات ابدىراحمانوۆپەن كەزدەسۋ بارىسىندا قازاقستان جانە پرەزيدەنت نۇرسۇلتان نازارباەۆ تاراپىنان جەكە تۇركىتىلدەس ەلدەردىڭ اراسىنداعى ىنتىماقتاستىق ماسەلەلەرىنە اسا زور ماڭىز بەرەتىنى اتاپ ءوتىلدى. «وتكەن 6-شى تمىك ءسامميتى بارىسىندا مەملەكەت باسشىسى تۇركى كەڭەسىندەگى ىنتىماقتاستىق شەڭبەرىندە ناقتى ماقساتتار مەن مىندەتتەردى انىقتادى. وسىعان بايلانىستى, تۇركى كەڭەسىنىڭ حاتشىلىعى ۇيىمنىڭ بارلىق مۇشە-مەملەكەتتەرىنىڭ مۇددەلەرىن نازارعا الا وتىرىپ, ولاردى ىسكە اسىرۋىن باستاۋ قاجەت. قازاقستاندىق تاراپتىڭ ەرەكشە نازارىندا تۇركى كەڭەسىن جانە تۇركى ينستيتۋتتاردى رەفورمالاۋ ماسەلەلەرى بولادى. حاتشىلىقتان ۇلكەن جانە جەمىستى جۇمىستى كۇتەمىز جانە ءوز تاراپىمىزدان تۇركى كەڭەسىنىڭ حاتشىلىعىنا تولىقتاي قولداۋ كورسەتۋگە ازىرلىگىمىزدى قۇپتايمىز», - دەدى مينيستر.
ب. امىرەەۆ تۇركى كەڭەسىنىڭ اعىمداعى قىزمەتى مەن الداعى جۇمىس بويىنشا جوسپارلارى تۋرالى حابارلادى. باس حاتشى تۇركى كەڭەسىنىڭ مۇشە مەملەكەتتەرىمەن وتكىزىلىپ جاتقان جۇمىستارى تۋرالى اقپارات بەردى.
تۇركى كەڭەسىنىڭ 6-شى ءسامميتى بارىسىندا مەملەكەت باسشىسى كولىك سالاسىندا ىنتىماقتاستىقتى دامىتۋ ماسەلەسىن جانداندىرۋدى, اتاپ ايتقاندا تاريفتىك ساياساتتى وڭتايلاندىرۋدى جانە تۇركى كەڭەسى مۇشە مەملەكەتتەرى اراسىنداعى ترانزيتتىك تاسىمالداۋ جاعدايىن دامىتۋدى, «استانا» حالىقارالىق قارجى ورتالىعى الاڭىن بەلسەندى تۇردە قولدانۋعا شاقىردى, «زاماناۋي جىبەك جولى» تۋريستىك جوباسىن جىلجىتۋ شەڭبەرىندە قازاقستاندا قارجىلىق تۇرعىدان تارتىمدى جانە باسەكەگە قابىلەتتى بولۋىن قامتاماسىز ەتۋ ءۇشىن ءتيىستى شارالار ءوتىزۋدى, جاستار ساياساتى مەن مادەني-گۋمانيتارلىق سالالاردا ىنتىماقتاستىقتى بەلسەندى دامىتۋدى ۇسىندى. قازاقستان پرەزيدەنتى تۇركى الەمىنىڭ باي مادەني جانە تاريحي مۇراسىن اتاپ ءوتىپ, «تۇركى الەمىنىڭ كيەلى جەرلەرى» جانە «تۇركى الەمىنىڭ 100 تۇعىرلى تۇلعاسى» اتتى جوبالاردى مۇشە مەملەكەتتەرمەن بىرلەسىپ جۇزەگە اسىرۋدى ۇسىندى.
تۇركى كەڭەسى قازاقستان پرەزيدەنتى ن. نازارباەۆتىڭ باستاماسىمەن قۇرىلعان بولاتىن. قازىرگى تاڭدا تۇركى كەڭەسىنىڭ مۇشە مەملەكەتتەرى رەتىندە ازەربايجان, قازاقستان, قىرعىزستان جانە تۇركيا بولىپ تابىلادى. 2018 جىلى تۇركى كەڭەسىنىڭ 6-شى ءسامميتى بارىسىندا ماجارستان تۇركى كەڭەسى جانىندا باقىلاۋشى مارتەبەگە يە بولدى. ۇيىمنىڭ باس-پاتەرى ىستانبۇل قالاسىندا ورنالاسقان.
