وسك مۇشەلەرى شىمكەنت قالاسىنان پارلامەنت سەناتىنىڭ دەپۋتاتتىعىنا كانديداتتاردى ۇسىنۋ جانە تىركەۋ قورىتىندىلارىن قارادى.
ورتسايلاۋكوم بەكىتكەن پارلامەنت سەناتىنىڭ دەپۋتاتتارىن سايلاۋدى ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا ساي كانديداتتاردى ۇسىنۋ اعىمداعى جىلعى 11 تامىزدان باستاپ 4 قىركۇيەك ارالىعىنداعى كەزەڭدە بولدى. كانديداتتاردى تىركەۋ 14 قىركۇيەكتە اياقتالدى.
شىمكەنت قالاسىنىڭ اۋماقتىق سايلاۋ كوميسسياسىنىڭ دەرەكتەرى بويىنشا بارلىعى 9 كانديدات ۇسىنىلدى. ونىڭ ىشىندە 2 ادامدى شىمكەنت قالاسىنىڭ ءماسليحاتى ۇسىندى, 7 – ءوزىن-ءوزى ۇسىنۋ تارتىبىمەن.
قر پارلامەنتى سەناتىنىڭ دەپۋتاتتىعىنا 8 كانديدات تىركەلدى. تىركەلگەن كانديداتتاردىڭ سايلاۋ الدىنداعى ۇگىتى ا.ج. 15 قىركۇيەكتە باستالىپ, 4 قازان كۇنگى 00-00 ساعاتقا دەيىن وتكىزىلەدى.
جالپى سايلاۋ ناۋقانى قازاقستان رەسپۋبليكاسىنىڭ سايلاۋ زاڭناماسىنا سايكەس وتۋدە.
وتىرىس بارىسىندا وسك مۇشەلەرى سونداي-اق ا.ج. 5 قازاندا قر پارلامەنتى سەناتىنىڭ دەپۋتاتتارىن سايلاۋدى ەلەكتروندىق سۇيەمەلدەۋ ءۇشىن ورتسايلاۋكومنىڭ ينتەرنەت-رەسۋرسى فۋنكتسيونالىن پايدالانۋ تۋرالى ماسەلەنى قارادى.
پرەزيدەنت جارلىعىنا ساي 2018 جىلعى 5 قازاندا شىمكەنت قالاسىنان پارلامەنت سەناتىنىڭ دەپۋتاتتارىن سايلاۋ بولاتىنىن ەستەرىڭىزگە سالامىز. سايلاۋ پارلامەنت سەناتى دەپۋتاتتارىنىڭ ەكى مانداتى بويىنشا ءبىر مەزگىلدە وتكىزىلەتىن بولادى. شىمكەنت قالاسىنان سايلاناتىن پارلامەنت سەناتى دەپۋتاتتارىنىڭ وكىلەتتىك مەرزىمى 2014 جانە 2017 جىلدارى رەسپۋبليكانىڭ باسقا وڭىرلەرىنەن سايلانعان سەنات دەپۋتاتتارىنىڭ وكىلەتتىك مەرزىمىنە سايكەس كەلەتىن بولادى.
