ءداستۇرلى تۇردە وتكىزىلىپ كەلە جاتقان شاراعا 500–گە جۋىق قاتىسۋشىلار سالت اتپەن, جاياۋ جانە ۆەلوسيپەدشىلەر قاتىسىپ, جىبەك جولى داڭعىلى بويىمەن ورتالىق الاڭعا كەلدى.
ورتالىق الاڭدا ەلىمىزدىڭ ءانۇرانى ورىندالىپ, اۋدان اكىمى ەرلان ايتاحانوۆ قۇتتىقتاۋ ءسوز سويلەدى.
«ەلباسىمىز نۇرسۇلتان نازارباەۆ «قازاقستان-2050» ستراتەگياسىنىڭ ەڭ ماڭىزدى باسىمدىلىقتارىنىڭ ءبىرى –دەنساۋلىق, ەل حالقىنىڭ كوپشىلىگىندە سالاۋاتتى ءومىر سالتى –ۇلت دەنساۋلىعىنىڭ كىلتىنە بالاعان بولاتىن. قازاقستان الەمدە ءومىر سۇرۋگە قاۋىپسىز جانە تۇرۋعا جايلى ەلدىڭ بىرىنە اينالۋعا ءتيىس. ءبىزدىڭ بولاشاق «ماڭگىلىك ەلگە» بارار نۇرلى جولىمىزدا قازاقستاندىقتاردىڭ الەۋەتىن كوتەرەتىن جاڭا مۇمكىندىكتەر جاساۋدا» دەپ, اۋدان باسشىسى ە.ايتاحانوۆ شارانىڭ ماڭىزدىلىعىنا توقتالدى.
ايتۋلى جيىندا اۋداننىڭ الەۋمەتتىك-ەكونوميكالىق دامۋىنا وزىندىك ۇلەس قوسىپ جۇرگەن «زارەچنوە» مەكەمەسى №3 بالالار مەن جاسوسپىرىمدەر سپورت مەكتەبىنە اۆتوبۋس تارتۋ ەتتى. اۆتوكولىكتىڭ كىلتىن اۋدان باسشىسى ەرلان قۋانىش ۇلى مەن «زارەچنوە» اق بىرلەسكەن كاسىپورىن باسقارما باسشىسى ومار نۇراليەۆتەر سپورت مەكتەبىنىڭ ديرەكتورى مەيرامبەك قاشقىنوۆقا تابىستادى.
فەستيۆال بارىسىندا ورتالىق اۋرۋحانا قىزمەتكەرلەرى, اۋداندىق جاسوسپىرىمدەر ورتالىعىنىڭ ونەرپازدارى جانە بالاباقشا بۇلدىرشىندەرى ارنايى ۇيىمداستىرعان ءتۇرلى فورماتتاعى فلەشموبتار ۇيىمداستىردى. سونداي-اق, مەكتەپ وقۋشىلارى مەن كوللەدج ستۋدەنتتەرى سپورتتىڭ بىرنەشە تۇرىنەن ونەر كورسەتىپ, مەكەمە قىزمەتكەرلەرى اراسىندا ارقان تارتۋ باسەكەسى ءوتتى.
سونداي-اق, حالىق دەنساۋلىعىن نىعايتۋدى ماقسات تۇتقان شارا اياسىندا «دەنساۋلىق قالاشىعىنان» بىلىكتى دارىگەرلەردىڭ كەڭەسىنە جۇگىنىپ, ارنايى كونتسەرتتىك باعدارلاماعا ۇلاستى.
