اۆستريا قازاقستاننىڭ جەتەكشى ساۋدا ارىپتەستەرىنىڭ قاتارىنا كىرەدى. ءوز كەزەگىندە, قازاقستان تمد ەلدەرى اراسىندا اۆستريا ءۇشىن ەكىنشى ساۋدا ارىپتەسى بولىپ تابىلادى.
«Kazakh Invest» كەزدەسۋدە قازاقستانداعى ينۆەستيتسيالىق كليمات تۋرالى جانە اۆستريا ءۇشىن ينۆەستيتسيالىق مۇمكىندىكتەر تۋرالى ەگجەي-تەگجەيلى اقپارات الىندى. ءبىز اوك, ءىت, قارجى جانە ت.ب. – مۇناي ەمەس سەكتورلارداعى ىنتىماقتاستىقتى تالقىلادىق. قازاقستاندا قازىر اۆستريالىق «Borealis» كومپانياسىنىڭ قاتىسۋىمەن ءبىر ۇلكەن ينۆەستيتسيالىق جوبا ىسكە اسىرىلۋدا. جوبا تاياۋ ۋاقىتتا ىسكە اسىرىلا باستايدى دەگەن نيەتتەمىز», - دەپ اتاپ ءوتتى كەزدەسۋ قورىتىندىسى بويىنشا رۋدولف تاللەر.
اۆستريالىق «Borealis» كومپانياسى اراب جانە قازاقستاندىق ارىپتەستەرمەن قاتار اتىراۋ وبلىسىنداعى پوليەتيلەن ءوندىرۋ جوباسىنا قاتىسادى. جوبانىڭ جالپى قۇنى – 6,5 ملرد. اقش دوللارى. قۇرىلىس كەزەڭىندە 3 مىڭ جۇمىس ورنى, پايدالانۋ كەزەڭىندە - 500-دەن استام جۇمىس ورنى قۇرىلادى دەپ جوسپارلانۋدا. جوبانى ىسكە اسىرۋ جىلىنا 1,2 ملن توننا پوليەتيلەن وندىرۋگە مۇمكىندىك بەرەدى.
