اتاپ ايتقاندا, فيلولوگيا عىلىمدارىنىڭ دوكتورى, پروفەسسور تىنىسبەك قوڭىراتبايدىڭ «قازاق ەپوسىنىڭ ەتنيكالىق سيپاتى» اتتى مونوگرافياسىندا ەپوس جانرىنىڭ ۇلت تابيعاتى, پسيحولوگياسى, ادەت-عۇرپى, سالت-ساناسىمەن بايلانىسى جان-جاقتى قاراستىرىلعان. سونىمەن قاتار ەڭبەكتە قازاق ادەبيەتىندەگى مول ەپوستىق مۇرانىڭ تانىمدىق سيپاتى ۇلت تاريحىمەن بايلانىستى كەڭىنەن سيپاتتالعان.
الەۋمەتتىك-گۋمانيتارلىق فاكۋلتەتىنىڭ وقىتۋشىلارى راحيا دارمەنوۆا, مارات تۇرعىمباي جانە بيبىگۇل وتەگەنوۆانىڭ اۆتورلىعىمەن جارىق كورگەن «ساندىك قولدانبالى ونەر» اتتى وقۋ قۇرالى ساندىك قولدانبالى ونەردىڭ تاريحي جانە تەوريالىق دامۋ ءۇردىسى جونىندە تەرەڭىرەك ءبىلىم الىپ, كوركەم شىعارمانى تالداۋعا, ول تۋرالى ءوز پىكىرىن ساۋاتتى جەتكىزە بىلۋگە ۇيرەتەدى. كىتاپ رۋحاني مادەنيەتىمىزدەگى اسىل مۇرامىزدى زەردەلەۋگە, كوركەمدىك تاربيەنى ناسيحاتتاۋعا جول اشادى.
تۇركى حالىقتارىنىڭ ماقال-ماتەلدەرى مەن شەشەندىك ءسوز ورنەكتەرى جانە ونىڭ قازىرگى زامانمەن رۋحاني ساباقتاستىعى قازاق فيلولوگياسى جانە الەم تىلدەرى فاكۋلتەتىنىڭ پروفەسسورى بولاتحان سارباسوۆتىڭ «ەجەلگى ءداۋىر جانە تۇركى حالىقتارى ادەبيەتى» اتتى وقۋ قۇرالىندا زەردەلەنگەن. سونداي-اق كىتاپتا تۇركى ەسكەرتكىشتەرىندەگى فولكلورلىق وبرازدار مەن موتيۆتەر دە انىقتالعان.
بابالارىمىز ماتەماتيكا, استرونوميا, فيزيكا, جاراتىلىستانۋ سالالارىن جەتىك بىلگەن, بايىرعى زاماندا قازاق حالقىنىڭ وقۋ-بىلىمگە قۇشتار بولىپ قانا قويماي, وزىندىك ولشەمدەر مەن ماتەماتيكالىق ءادىس-تاسىلدەردى ويلاپ تاپقان. بۇل تۋرالى فيزيكا-ماتەماتيكا فاكۋلتەتىنىڭ وقىتۋشىسى سوۆەتباي ەلۋباەۆتىڭ «قازاقتىڭ بايىرعى قارا ەسەپتەرى» اتتى وقۋ قۇرالىندا كەڭىنەن قامتىلعان.
«جاھاندىق زاماناۋي قازاقستاندىق مادەنيەت» اتتى مونوگرافيادا قازاق فيلولوگياسى جانە الەم تىلدەرى فاكۋلتەتىنىڭ وقىتۋشىسى ساعيرا ودانوۆا مەملەكەتتىك ءتىلدىڭ كوممۋنيكاتيۆتىك قۇرىلىمىنداعى وزگەرىستەردىڭ كونتسەپتۋالدى ماسەلەلەرىنە ءمان بەرگەن. سونداي-اق كىتاپتا قازاق ءتىلى دە الەمدەگى باسقا تىلدەر سياقتى داميتىن, قوعاممەن بىرگە تىنىستايتىن, جاڭعىرۋعا بەيىم ءتىرى اعزا رەتىندە قاراستىرىلعان.
پەداگوگيكا-پسيحولوگيا فاكۋلتەتىنىڭ وقىتۋشىلارى شولپان تاۋباەۆا, گۇلنار مۇراتباەۆا جانە سايرا جيەنباەۆانىڭ اۆتورلىعىمەن شىققان «پەداگوگيكالىق زەرتتەۋلەردىڭ ءادىسناماسى مەن ادىستەمەسى» وقۋلىعىندا قازىرگى زامان بىلىمگەرى ءۇشىن قاجەتتى پەداگوگيكالىق زەرتتەۋلەردى جۇرگىزۋ مەن ۇيىمداستىرۋدىڭ ادىستەرى, زاماناۋي زەرتتەۋ قۇرالدارىن ءتيىمدى قولدانۋ, پەداگوگيكالىق زەرتتەۋدىڭ ساپاسىن زەرتتەۋ ولشەمدەرى جانە ءادىس-تاسىلدەرى كەڭىنەن ءسوز بولادى.
سونداي-اق «تۋعان جەر» باعدارلاماسى اياسىندا ۋنيۆەرسيتەت وقىتۋشىسى م.قانابەكوۆانىڭ قوسالقى اۆتورلىعىمەن «قاسيەتتى قازاقستان» ەنتسيكلوپەدياسىنىڭ 1 تومى, جاراتىلىستانۋ فاكۋلتەتىنىڭ پروفەسسورى ك.مامىروۆا مەن ە.تولەگەنوۆتىڭ «قولدانبالى گەوگرافيا», الەۋمەتتىك-گۋمانيتارلىق فاكۋلتەتىنىڭ دوتسەنتتەرى جامال اشىربەكوۆا مەن ەرداۋلەت بەرلىباەۆتىڭ «وتان تاريحىنىڭ تاريحناماسى مەن دەرەكتەمەسى», وقىتۋشىلار ل. ادىلبەكوۆانىڭ «حح عاسىرداعى قازاق ادەبيەتىنىڭ تاريحى (1900 – 1940 جج.)», ا. جۇباندىقوۆانىڭ «باستاۋىش سىنىپ وقۋشىلارىنىڭ ولكەتانۋ ءىس-ارەكەتىنە قۇندىلىق باعدارىن قالىپتاستىرۋدىڭ عىلىمي نەگىزدەرى», س. ودانوۆانىڭ «The law of ءconservatىon ءىn the Kazakh language», «فيلوسوفيا ي مەتودولوگيا پەداگوگيكي» جانە گ. دانياروۆانىڭ «Let’s develop ءreadىng and ءspeakىng ءskىlls» اتتى وقۋ قۇرالدارى شىقتى.
جاندار اسان,
قىزدار ۋنيۆەرسيتەتىنىڭ ءباسپاسوز جانە قوعاممەن بايلانىس ءبولىمىنىڭ باسشىسى
