شاراعا قر ءماجىلىس دەپۋتاتى, قر ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحان, قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسى سەرىك جاراسباەۆ قاتىستى.
ۇلتتىق سپورت تۇرلەرى قاۋىمداستىعى پرەزيدەنتى بەكبولات قاناي ۇلىنىڭ سوزىنشە, قر ۇلتتىق سپورت قاۋىمداستىعى مەن مادەنيەت جانە سپورت مينيسترلىگىنىڭ ءۇش جاڭالىعى بار.
«بىرىنشىدەن, 2018 جىلدىڭ 13-14 تامىز ارالىعىندا تۇركيانىڭ ىستامبۇل قالاسىندا يۋنەسكو-نىڭ ەتنوسپورت جونىندەگى كەشەندى كوسۋلتاتيۆتى ءىV كەڭەسى ءوتتى. يۋنەسكو-نىڭ تۇراقتى وكىلدەرى, قىرىقتان استام مەملەكەتتىڭ سپورت مينيسترلەرى, دەپۋتاتتارى مەن لاۋازىمدى تۇلعالارى جانە حالىقارالىق سپورت فەدەراتسيالارىنىڭ باسشىلارى باس قوسقان وسى كەڭەستە 2021 جىلى قازاقستاننىڭ ەلورداسى استانا قالاسىندا تاريحتاعى تۇڭعىش الەمدىك ەتنوسپورت ويىندارىن وتكىزۋ شەشىمى جاريالاندى». ءسويتىپ, قازاقستان رەسپۋبليكاسىنىڭ تاۋەلسىزدىك العانىنا 30 جىل تولاتىن مەرەكەلى جىلى استانادا جەر جاھاننىڭ تاڭداۋلى ۇلتتىق ويىندارىنان وتەتىن سپورت باسەكەلەرى تاماشالاناتىن بولادى», - دەدى ب.تىلەۋحان.
ەكىنشىدەن, قر ۇلتتىق سپورت قاۋىمداستىعى وسى بۇكىلالەمدىك ەتنوسپورت كونفەدەراتسياسىنا تولىققاندى مۇشە بولىپ قابىلداندى. بۇل دەگەنىمىز, ەندىگى جەردە ۇلتتىق سپورتتاعى ءبىزدىڭ جاتتىقتىرۋشىلاردىڭ, تورەشىلەردىڭ, سپورتشىلاردىڭ حالىقارالىق دارەجەدەگى تاجىريبە الماسۋىنا, ءبىلىم الۋىنا جانە بولاشاقتا سپورتتىق كلاسسيفيكاتسيالارعا قول جەتكىزۋگە ارنالعان العاشقى قادام دەپ ايتۋعا بولادى.
ء«ۇشىنشى جاڭالىعىمىز, ەرتەڭ وتەتىن ءىى «التىن جەبە» حالىقارالىق ءتۋرنيرى. وزدەرىڭىز جاقسى بىلەسىزدەر, «التىن جەبە» بيىل ەكىنشى مارتە حالىقارالىق دەڭگەيدە ۇيىمداستىرىلىپ وتىر. تۋرنيرگە ون ءبىر مەملەكەتتەن 25 مەرگەننىڭ قاتىساتىنى انىق. «التىن جەبەنىڭ» بيىلعى جۇلدە قورى – 4 ميلليون تەڭگە. باس بايگە ەكى ميلليونعا جۋىق», - دەپ اياقتادى ءوز ءسوزىن ۇلتتىق سپورت تۇرلەرى قاۋىمداستىعى پرەزيدەنتى.
ءوز كەزەگىندە, سپورت جانە دەنە شىنىقتىرۋ ىستەرى كوميتەتى توراعاسى سەرىك مارات ۇلى قر مادەنيەت جانە سپورت مينيسترلىگى اتالعان ۇسىنىستى جان-جاقتى قولدايتىنىن جەتكىزدى.
«ەلىمىزدە الەمدىك ەتنوسپورت ويىندارىن وتكىزۋ ۇلكەن جاۋاپكەرشىلىكتى تالاپ ەتەدى, دەسە دە, بۇل ەلىمىزدىڭ ۇلتتىق سپورتتىڭ دامۋىنا تۇرتكى بولاتىنى ءسوزسىز. وسىلايشا, ءبىز ءوزىمىزدىڭ ءتول سپورتىمىزدى جاڭا, ساپالى دەڭگەيگە شىعارۋعا مۇمكىندىك الامىز. سونىمەن قاتار, «التىن جەبە» حالىقارالىق ءتۋرنيرى تۋرالى ايتا كەتەيىن. بىلتىر اتالعان تۋرنير العاش رەت ەكسپو حالىقارالىق كورمەسى اياسىندا وتكىزىلگەن بولاتىن. ول كەزدە استاناعا الەمنىڭ 50 مەملەكەتىنەن 20 استام سپورتشى كەلگەن بولاتىن. بيىلعى شارانى استانانىڭ 20-جىلدىعىنا ارناپ وتىرمىز»,-دەدى ول.
