الەمدەگى باسەكەگە قابىلەتتى وزىق وتىز ەلدىڭ قاتارىنان ورىن الۋدى ماقسات تۇتقان مەملەكەتىمىزدە دامۋدىڭ ءبىر باعىتى رەتىندە سىبايلاس جەمقورلىقسىز قوعام قۇرۋ مىندەتى تۇرعانى بەلگىلى. تەك قازاقستاندا عانا ەمەس, الەم بويىنشا تامىرىن جايىپ, ءتۇپ-تامىرىن جويىپ جىبەرۋگە كۇش بەرمەي كەلە جاتقان جەمقورلىق دەرتى, وزىق ەلدەردىڭ قاتارىنان مىقتاپ ورىن تەبۋگە كەدەرگى كەلتىرىپ, قولبايلاۋ بولۋدا. ءار ەل بۇل كەسەلمەن ءتۇرلى ءادىس-ايلامەن كۇرەسۋدە.
وسى باعىتتا ۇلتتىق كىتاپحانادا «سىبايلاس جەمقورلىق تۋرالى ءسىز بىلۋگە ءتيىس مالىمەت» تاقىرىبىندا شولۋ, «سىبايلاس جەمقورلىققا قارسى كۇرەس جانە زاڭ ۇستەمدىگى» تاقىرىبىندا كەزدەسۋ, «جەمقورلىقپەن كۇرەسۋ» بەزەندىرىلگەن كىتاپ كورمەسى جانە ت.ب. شارالار تۇراقتى ۇيىمداستىرىلىپ تۇرادى. ستۋدەنتتەر مەن جاستاردىڭ رۋحاني ورداسىنا اينالعان كىتاپحانا ماماندارى ءۇشىن باستى ماقسات كەلۋشى وقىرماندارعا, وقۋشى, ستۋدەنتتەرگە سىبايلاس جەمقورلىق ماعىناسىن ءتۇسىندىرۋ, جەمقورلىقتىڭ بەلەڭ الماۋىنا جول بەرمەۋ جايلى كەڭىنەن اقپارات بەرۋ.
قر ۇلتتىق كىتاپحاناسىنىڭ ءباسپاسوز حاتشىسى ايسۇلۋ تاجىباەۆانىڭ مالىمەتى بويىنشا, «رۋحاني جاڭعىرۋ» باعدارلاماسى اياسىندا جاستاردى رۋحاني جاڭعىرۋعا شاقىرۋ ماقساتىندا كىتاپحانا جانىنان اشىلعان «ىنتىماق» بىرلەستىگى دە سىبايلاس جەمقورلىققا قارسى ناسيحات جۇمىستارىن جۇرگىزۋدە. الداعى ۋاقىتتا دا پاراسات ورداسىندا جەمقورلىق دەرتىن الدىن الۋعا بايلانىستى ءتۇرلى كورمەلەر مەن ءىس-شارالار وتكىزۋ جوسپارلانعان.
مامانداردىڭ زەرتتەۋلەرى بويىنشا, ەلىمىزدە سىبايلاس جەمقورلىقتى تۋدىرىپ وتىرعان سەبەپتەردىڭ جان-جاقتى انىقتالماۋى سالدارىنان ويداعىداي ناتيجەگە قول جەتكىزە الماي وتىرمىز. «ترانسپەرەنسي ينتەرنەيشنل» ۇيىمىنىڭ رەيتينگىسىندە ەلىمىز 180 ەلدىڭ اراسىندا 122-ءشى ورىندا تۇر». سىبايلاس جەمقورلىق - ۇلتىمىزدىڭ قاۋىپسىزدىگىنە, ەلىمىزدىڭ حالىقارالىق بەدەلىنە, ازاماتتاردىڭ كونستيتۋتسيالىق قۇقىقتارى مەن بوستاندىقتارىنا ەلەۋلى نۇقسان كەلتىرەتىن قاۋىپتى قۇبىلىس ەكەنى, ال ونىمەن كۇرەس تەك زاڭ قىزمەتكەرلەرىنىڭ عانا جاۋاپكەرشىلىگى ەمەس, قالىڭ بۇقارانىڭ دا ازاماتتىق مىندەتى ەكەندىگىن ءتۇسىندىرۋ كىتاپحانادا وتەتىن شارالار بارىسىندا ۇنەمى ايتىلىپ كەلەدى.
ەلۆيرا سەرىكقىزى,
«ەگەمەن قازاقستان»
