24 جەلتوقسان، 2011

قازاقستان رەسپۋبليكاسى ۇكىمەتىنىڭ قاۋلىسى №1258

177 رەت كورسەتىلدى
2011 جىلعى 1 قاراشا، استانا، ۇكىمەت ءۇيى «قازاقستان رەسپۋبليكاسىنداعى سوت-ساراپتاما قىزمەتىن ليتسەنزيالاۋ ەرەجەسىن جانە سوت-ساراپتاما قىزمەتىنە قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 4 ماۋسىمداعى №511 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازاقستان رەسپۋبليكاسىنداعى سوت-ساراپتاما قىزمەتىن ليتسەنزيالاۋ ەرەجەسىن جانە سوت-ساراپتاما قىزمەتىنە قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 4 ماۋسىمداعى №511 قاۋلىسىنا (قازاقستان رەسپۋبليكاسىنىڭ ءپۇاج-ى، 2010 ج.، №36، 296-قۇجات) مىناداي وزگەرىستەر ەنگىزىلسىن: تاقىرىبى مىناداي رەداكتسيادا جازىلسىن: «قازاقستان رەسپۋبليكاسىنداعى سوت-ساراپتاما قىزمەتىنە قويىلاتىن بىلىكتىلىك تالاپتارىن بەكىتۋ تۋرالى»; كىرىسپە مىناداي رەداكتسيادا جازىلسىن: «قازاقستان رەسپۋبليكاسىنداعى سوت-ساراپتاما قىزمەتى تۋرالى» قازاقستان رەسپۋبليكاسىنىڭ 2010 جىلعى 20 قاڭتارداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»; 1-تارماقتا: 1) تارماقشا الىپ تاستالسىن; 2) تارماقشا مىناداي رەداكتسيادا جازىلسىن: «2) قازاقستان رەسپۋبليكاسىنداعى سوت-ساراپتاما قىزمەتىنە قويىلاتىن بىلىكتىلىك تالاپتارى بەكىتىلسىن.»; كورسەتىلگەن قاۋلىمەن بەكىتىلگەن سوت-ساراپتاما قىزمەتىنە قويىلاتىن بىلىكتىلىك تالاپتارى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى 2012 جىلعى 31 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ  پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ  2011 جىلعى 1 قاراشاداعى  №1258 قاۋلىسىنا قوسىمشا

قازاقستان رەسپۋبليكاسى ۇكىمەتىنىڭ 2010 جىلعى 4 ماۋسىمداعى №511 قاۋلىسىمەن بەكىتىلگەن

قازاقستان رەسپۋبليكاسىنداعى سوت-ساراپتاما قىزمەتىنە قويىلاتىن بىلىكتىلىك تالاپتارى

1. سوت-مەديتسينالىق، سوت-پسيحياتريالىق جانە سوت-ناركولوگيالىق ساراپتاما سالاسىندا سوت-ساراپتاما قىزمەتىن قوسپاعاندا، سوت-ساراپتاما قىزمەتىمەن اينالىسۋ قۇقىعىنا ليتسەنزيا الۋعا ءوتىنىش بەرگەن جەكە تۇلعالارعا قويىلاتىن بىلىكتىلىك تالاپتارى: 1) جوعارى ءبىلىمىنىڭ بولۋى; 2) مىناداي پاندەردەن: قىلمىستىق، قىلمىستىق ءىس جۇرگىزۋ، ازاماتتىق، ازاماتتىق ءىس جۇرگىزۋ زاڭناماسىنىڭ، اكىمشىلىك قۇقىق بۇزۋشىلىق تۋرالى زاڭنامانىڭ نەگىزگى ەرەجەلەرى; كريميناليستيكا; سوت ساراپتاماسىنىڭ قۇقىقتىق، عىلىمي، ۇيىمداستىرۋشىلىق جانە ادىستەمەلىك نەگىزدەرى; ساراپتا­مانىڭ ناقتى ءتۇرىنىڭ عىلىمي-ادىستەمەلىك نەگىزدەرى; سوت ساراپتاماسى قىزمەتىن اقپاراتتاندىرۋ نەگىز­دەرى; ساراپتامانىڭ ناقتى ءتۇرىنىڭ عىلىمي-ادىستەمەلىك نەگىزدەرى بويىنشا بىلىكتىلىك ەمتيحاندارىن تاپسىرعانىن راستايتىن بىلىكتىلىك كۋالىگىنىڭ بولۋى; 3) كەمىندە بەس جىل سوت-ساراپشىلىق جۇمىس ستاجىنىڭ بولۋى; 4) «سوت ساراپتاماسىنىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2001 جىلعى 7 قاراشاداعى №1414 قاۋلىسىمەن بەكىتىلگەن سوت ساراپتاماسى ءوندىرىسى جۇزەگە اسىرىلاتىن ارنايى جاراق­تاندىرىلعان ءۇي-جايلارعا قويىلاتىن ستاندارتتار مەن تالاپتاردا كوزدەلگەن ارنايى جابدىقتاردىڭ بولۋى; 5) ناركولوگيالىق جانە پسيحياتريالىق ۇيىمداردا ەسەپتە تۇرعانى تۋرالى مالىمەتتەردىڭ بولماۋى; 6) وتەلمەگەن نەمەسە الىنباعان سوتتىلىعىنىڭ بولماۋى بولىپ تابىلادى.
سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار