ءىس-شاراعا پارلامەنت دەپۋتاتتارى, ورتالىق مەملەكەتتىك ورگانداردىڭ, رەسەي, تۇركيا, بولگاريا, لاتۆيا, گرۋزيا جانە باسقا دا ەلدەردىڭ كونستيتۋتسيالىق باقىلاۋ ورگاندارىنىڭ, سوت جانە قۇقىق قورعاۋ مەكەمەلەرىنىڭ باسشىلارى, حالىقارالىق ۇيىمداردىڭ, قازاقستاننىڭ عىلىمي قاۋىمداستىعىنىڭ وكىلدەرى, سونداي-اق تاياۋ جانە الىس شەتەلدەردەگى قۇقىق سالاسىنىڭ ساراپشىلارى قاتىستى.
گ.ابدىقالىقوۆا كونفەرەنتسياعا قاتىسۋشىلارعا قازاقستان پرەزيدەنتى نۇرسۇلتان نازارباەۆتىڭ قۇتتىقتاۋ حاتىن وقىپ بەردى. وندا 1995 جىلى قابىلدانعان كونستيتۋتسيا قازاقستان مەملەكەتتىلىگى دامۋىنىڭ ىرگەتاسىن قالاعانى, ادام قۇقىقتارى مەن بوستاندىقتارىن بەكەمدەگەنى اتاپ وتىلگەن. حالىقارالىق قوعامداستىق مويىنداعان قازاقستاندىق قوعام دامۋىنىڭ بىرەگەي مودەلى قوعامدىق كەلىسىم مەن تۇراقتىلىق, ەكونوميكالىق دامۋ جانە قازاقستان حالقىنىڭ ورتاق تاعدىرى تۋرالى كونستيتۋتسيالىق ەرەجەلەردىڭ قالتقىسىز ساقتالۋى ارقاسىندا مۇمكىن بولدى.
– قۇقىق ۇستەمدىگى, كونستيتۋتسيانىڭ بيىك مارتەبەسى, زاڭ بيلىگى – قازاقستاننىڭ بۇگىنگى تاڭداعى تابىستى دامۋىنىڭ جانە ونىڭ زاماناۋي الەمدە لايىقتى ورىنعا يە بولۋىنىڭ اسا ماڭىزدى ماسەلەسى. قازىرگى كونستيتۋتسيانىڭ الەۋەتى قازاقستاننىڭ ودان ءارى دامۋىنا جانە الەمنىڭ وزىق دامىعان وتىز ەلىنىڭ قاتارىنا كىرۋىنە ۇزاق جىلدار قىزمەت ەتەتىنىنە كامىل سەنەمىن, – دەلىنگەن قازاقستان پرەزيدەنتىنىڭ قۇتتىقتاۋىندا.
كونفەرەنتسياعا قاتىسۋشىلار سويلەگەن سوزدەرىندە قازاقستاننىڭ كونستيتۋتسيالىق قۇرىلىمىنداعى مەملەكەت باسشىسىنىڭ اسا ماڭىزدى ءرولىن اتاپ ءوتىپ, ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدى جۇزەگە اسىرۋ, سونداي-اق استانانىڭ قالىپتاسۋ جانە دامۋ ماسەلەلەرىن تالقىلادى.
