وتىرىسى بارىسىندا ءمادينا ابىلقاسىموۆا ەسەپكە الىنعان جۇمىسكەرلەرگە توقتالىپ ءوتتى.
«بۇگىندە 1 ميلليون 385 مىڭ ادامنىڭ مارتەبەسى ناقتىلاندى. ولاردىڭ ىشىندە 548 مىڭ جۇمىسكەر ەڭبەك شارتىن جاساپ, مىندەتتى زەينەتاقى جارنالارى تۇسە باستادى. 13 مىڭ كاسىپكەر ءوز قىزمەتىن رەسمي تۇردە تىركەدى. 22 مىڭنان استام ادام ازاماتتىق-قۇقىقتىق سيپاتتاعى شارت بويىنشا جۇمىس ىستەيتىندەر, ءۇي جۇمىسكەرى جانە شەتەلدىك كاسىپورىنداردا جۇمىس ىستەيتىندەر رەتىندە انىقتالدى. 17 مىڭنان استام ادام جۇمىسسىز رەتىندە تىركەلدى. 84 مىڭ ادام الەۋمەتتىك تولەمدەردى, ال 19 مىڭ ادام اتاۋلى الەۋمەتتىك كومەكتى الۋشى رەتىندە تىركەلدى. 29 مىڭ ايەل جۇكتىلىككە بايلانىستى ەسەپكە قويىلدى. 8,7 مىڭ ادام ءۇش جاسقا دەيىنگى بالاسىنا كۇتىم جاساپ وتىر», دەدى ءمادينا ابىلقاسىموۆا.
سونداي-اق, 642,5 مىڭ ادام ءۇي شارۋاسىنداعى ايەلدەر, ستۋدەنتتەر, تىس جەرلەرگە كەتكەن ادامدار 18 جاستان اسقان مەكتەپ وقۋشىلارى رەتىندە جانە باسقا ساناتتار بويىنشا ناقتىلاندى. دەرەكقورلاردا قايتالاناتىن جەكە سايكەستەندىرۋ نومىرلەرى (جسن), مەرزىمى ءوتىپ كەتكەن قۇجاتتار انىقتالىپ قايتا جاڭارتىلدى. ونىڭ سوزىنە قاراعاندا, 25 تامىزداعى جاعداي بويىنشا دەرەكقورلاردا ناقتى الەۋمەتتىك مارتەبەسى جوق ازاماتتاردىڭ سانى 1 ميلليون 320 مىڭ ادامدى قۇرادى. وسىلايشا, مينيستر ابىلقاسىموۆا بۇگىنگى جوسپاردىڭ تەڭ جارتىسىن ورىندادىق دەپ وتىر.
اتالعان قۇجات 2018-2019 جىلدارعا ەسەپتەلگەن. وعان سايكەس, ءوزىن-ءوزى جۇمىسپەن قامتىپ جۇرگەندەردى رەسمي تۇردە تىركەپ, xالىقتى الەۋمەتتىك قورعاۋ جۇيەسىمەن بارىنشا قامتۋ كوزدەلگەن.
