جازدىڭ ىستىعى ءالى كەتە قويعان جوق, وبلىس تۇرعىندارى مەن قوناقتارى ودان مەزى بولىپ سالقىنداۋ جانە تىنىعۋ ءۇشىن سۋ ايدىندارىنا بارادى. باتىس قازاقستان وبلىسى توتەنشە جاعدايلار دەپارتامەنتى قاۋىپسىز سۋعا ءتۇسۋ ماۋسىمىن ۇيىمداستىرۋ ءۇشىن سۋداعى اداممدار ءولىمىن بولدىرماۋعا باعىتتالعان شارالار كەشەنىن وتكىزەدى.
ماسەلەن, 2018 جىلدىڭ 25 تامىز كۇنى بقو تجد جەدەل-قۇتقارۋ جاساعى جانە ەرىكتىلەر جايىق وزەنىندە قايىقپەن «سۋ قۇرباندارىنا جول جوق!» اكتسياسىن وتكىزدى. بۇل ءىس-شارا قوعامنىڭ نازارىن سۋداعى جازاتايىم وقيعالار پروبلەماسىنا اۋدارۋ, سالاۋاتتى ءومىر سالتىن ناسيحاتتاۋ ارقىلى سۋداعى ءجۇرىس-تۇرىس ەرەجەلەرى تۋرالى حالىقتىڭ حاباردارلىعىن ارتتىرۋ ماقساتىندا وتكىزىلدى.
اكتسيا بارىسىندا وزەننىڭ مارشرۋتى بويىنشا پاترۋلدەۋ جۇرگىزىلدى, دەمالۋشى ازاماتتارعا سۋداعى ءجۇرىس-تۇرىس ەرەجەلەرى ءتۇسىندىرىلدى. جاپپاي سۋعا شومىلۋ ورىندارىنا توقتاعان كەزدە حالىققا پروفيلاكتيكالىق اڭگىمە جۇرگىزىلىپ, ۇگىت-ناسيحات پاراقشالارى تاراتىلدى.
وكىنىشكە وراي, پاترۋلدەۋ كەزىندە ەرەسەكتەردىڭ قاراۋىنسىز وزەن جاعاسىندا جۇرگەن بالالار ءجيى كەزدەستى. بالالارعا اڭگىمەلەسۋ جۇرگىزىلىپ, ولارعا اتا-اناسىنسىز نەمەسە ەرەسەكتەرسىز ءوز بەتتەرىمەن وزەنگە كەلمەۋلەرىنە ۇسىنىس ايتىلدى.
سۋ ايدىندارىنداعى قاۋىپسىزدىك شارالارىن ناسيحاتتاۋ تەك سۋعا شومىلۋ ماۋسىمىندا عانا ەمەس, جىل بويى قىسقى كەزەڭدە, سەڭ ءجۇرۋ جانە تاسقىن كەزىندە جۇرگىزىلەتىنىن ايتىپ وتكەن ءجون.
سوڭعى 10 جىلدا وبلىستا 270-تەن اسا ادام سۋعا باتتى, ونىڭ 70-كە جۋىعى بالالار. 2018 جىلدىڭ سۋعا شومىلۋ ماۋسىمىنىڭ باسىنان بەرى 8 سۋعا باتۋ جاعدايى تىركەلدى, ولاردىڭ 2-ءى كامەلەتكە تولماعان بالا.
