23 جەلتوقسان، 2011

قازاقستان رەسپۋبليكاسى پارلامەنتى ءماجىلىسى مەن ءماسليحاتتارىنىڭ دەپۋتاتتارىن سايلاۋ بويىنشا سايلاۋ ناۋقانىنىڭ بارىسى تۋرالى

141 رەت كورسەتىلدى

2011 جىلعى 21 جەلتوقساندا قازاقستان رەسپۋب­لي­كاسىنىڭ ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسى دەپۋتات­تا­رى­نىڭ كەزەكتەن تىس سايلاۋى جونىندەگى ساياسي پارتيالار ءۇشىن داۋىس بەرۋگە ارنالعان سايلاۋ بيۋل­لە­تەنىنىڭ ءماتىنىن بەكىتتى.

ورتسايلاۋكوم قازاقستان رەسپۋبليكاسىنداعى سايلاۋشىلاردىڭ جالپى سانىنىڭ 1 پايىزى رەزەرۆىن قوسا العاندا، دايىندالۋى جانە سايلاۋ ۋچاسكەلەرىنە جەتكىزىلۋى ءتيىس سايلاۋ بيۋللەتەندەرىنىڭ سانىن بەلگىلەدى.

قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ  كەزەكتەن تىس سايلاۋى جونىندە – 9 398 154، ال قازاقستان رەسپۋبليكاسى ءماسليحاتتارى دەپۋتاتتارىنىڭ كەزەكتى سايلاۋى جونىندە – 17 423 313 سايلاۋ بيۋللەتەنى دايىندالاتىن بولادى.

جاڭاوزەن قالاسىنىڭ اۋماعىندا پارلامەنت ءماجىلىسى دەپۋتاتتارى مەن ءماسليحاتتار دەپۋتات­تارىن سايلاۋ بۇرىن بەلگىلەنگەن مەرزىمدە، ياعني 2012 جىلعى 15 قاڭتاردا وتەدى، ويتكەنى،  پرەزي­دەنتتىڭ بۇل اۋماقتىق-اكىمشىلىك بىرلىكتە توتەنشە جاعداي ەنگىزۋ تۋرالى جارلىعىمەن سايلاۋدى وتكىزۋگە تىيىم سالىنباعان.

وسىعان بايلانىستى ورتسايلاۋكوم، جار­لىقپەن بەلگىلەنگەن شەكتەۋلەردى ەسكەرە وتىرىپ، كانديداتتار مەن سايلاۋشىلاردىڭ قۇقىقتارىن قامتاماسىز ەتۋ ءۇشىن بارلىق قاجەتتى شارالاردى قابىلداۋدا.

بۇل ادام قۇقىعى سالاسىنداعى قازاقستان رەس­پۋب­ليكاسى قول قويعان حالىقارالىق قۇجاتتارعا قاي­شى كەلمەيدى. ويتكەنى ەنگىزىلگەن شەكتەۋلەر ادام­نىڭ ازاماتتىق جانە ساياسي قۇقىقتار ءجونىن­دەگى حالىقارالىق پاكت  بەكىتكەن «ابسوليۋتتىك» قۇ­قىقتارى مەن بوستاندىقتارىن شەكتەمەيدى. تەك ساي­لاۋالدى ۇگىت جۇرگىزۋ تاسىلدەرىنىڭ اياسىن بەلگىلى ءبىر دارەجەدە تارىلتادى.   جانە بۇل رەتتە بارلىق سايا­سي پارتيالار مەن ءماسليحات دەپۋتاتتىعىنا كانديداتتار تەڭ، دەگەنمەن، ۇگىت جۇمىسىن جۇرگىزۋدىڭ نىساندارى مەن ادىستەرىن تاڭداۋدا بەلگىلى ءبىر دارەجەدە شەكتەۋلى جاعدايدا بولادى.

اتاپ ايتقاندا، قالا اۋماعىندا نەگىزىنەن ساي­لاۋالدى ۇگىتتى بەيبىت جينالىستار، ميتينگىلەر، شەرۋلەر، پيكەتتەر مەن  دەمونستراتسيالار وتكىزۋ ارقى­لى جۇرگىزۋ شەكتەلەدى.

الايدا، بۇقارالىق اقپارات قۇرالدارىندا ۇگىت ناۋقانى تولىق كولەمدە وتكىزىلەتىن بولادى. وسىعان بايلانىستى ورتسايلاۋكوم ءماسليحاتتار دەپۋتاتتى­عىنا كانديداتتاردىڭ سايلاۋشىلارمەن كەزدەسۋلەر وتكىزۋىنە بيۋدجەتتەن بولىنگەن قاراجاتتى بۇقارالىق اقپارات قۇرالدارىندا قوسىمشا ۇگىت ماتەريالدارىن جاريالاۋ جانە باسپا ونىمدەرىن  شىعارۋ ءۇشىن پاي­دالانۋىنا رۇقسات بەرەدى.

پارلامەنت ءماجىلىسى دەپۋتاتتارىن سايلاۋعا قا­تى­ساتىن ساياسي پارتيالاردىڭ ۇگىت ماتەريالدارى جا­ڭا­وزەن قالاسى تۇرعىندارىنا رەسپۋبليكالىق جانە جەرگىلىكتى تەلە-راديوارنالار  مەن باسپا بۇقا­را­لىق اقپارات قۇرالدارى ارقىلى جەتەتىن بولادى.

قالالىق ءماسليحات دەپۋتاتتىعىنا كانديداتتار باسپا ونىمدەرىن ازىرلەۋ ءۇشىن وبلىستىق تيپوگرا­فيا­نىڭ قىزمەتىن پايدالانا الادى.

قالالىق سايلاۋ كوميسسياسى شتاتتىق رەجىمدە جۇمىس ىستەۋدە. كوميسسيانىڭ قاراماعىندا بارلىق قاجەتتى ادىستەمەلىك ماتەريالدار مەن قۇجاتتار بار.

سايلاۋ ناۋقانى بارىسىن بايقاۋدى ۇيىم­داس­تى­رۋ­عا كەلەتىن بولساق، بايقاۋشىلار مەن ساراپشى­لار­عا، سونىڭ ىشىندە شەت مەملەكەتتەر مەن حالىقارالىق ۇيىمداردىڭ وكىلدەرىنە، بۇل وڭىرگە بارۋ مۇمكىندىگى قامتاماسىز ەتىلەتىن بولادى. سونداي-اق، ولار سايلاۋ بارىسى، سايلاۋ ورگاندارىنىڭ جۇمىسى، بارلىق سايلاۋ پروتسەسىنە قاتىسۋشىلاردىڭ قىزمەتى تۋرالى اقپاراتپەن دە قامتاماسىز ەتىلەدى.

سونداي-اق ورتسايلاۋكوم باسشىسى سايلاۋ تۋرا­لى زاڭعا سايكەس بۇقارالىق اقپارات قۇرالدارى كانديداتتار مەن ساياسي پارتيالاردىڭ سايلاۋ ناۋقانىن وبەكتيۆتى جاريالاۋعا مىندەتتى ەكەنىن ەسكەرتتى. بۇل رەتتە، كانديداتتار مەن ساياسي پارتيالاردىڭ ار-نامىسىنا، قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن ۇگىت ماتەريالدارى مەن وزگە دە اقپاراتتى جاريالاۋدان اۋلاق بولۋ كەرەك.

بارلىق كانديداتتار مەن پارتيالىق تىزىمدەرىن ۇسىنعان ساياسي پارتيالاردىڭ سايلاۋالدى ۇگىت جۇرگىزۋى ءۇشىن بۇقارالىق اقپارات قۇرالدارىنا تەڭ جاعدايدا قول جەتكىزۋى كەپىلدەندىرىلۋى ءتيىس.

* * *

ءماسليحاتتار دەپۋتاتتىعىنا كانديداتتاردى تىركەۋ قورىتىندىلارى تۋرالى

20 جەلتوقساندا ءماسليحاتتار دەپۋتاتتى­عىنا كانديداتتاردى تىركەۋ اياقتالدى.

الدىن الا مالىمەتتەر بويىنشا، ۇسىنىل­عان 10 مىڭنان استام ۇمىتكەردىڭ 9165-ءى ءماس­لي­حاتتار دەپۋتاتتىعىنا كانديدات رەتىندە تىركەلگەن.

سونىڭ ىشىندە   وبلىستىق، استانا مەن ال­ما­تى قالالىق  ءماسليحاتتارىنا – 1752; اۋدان­دىق ماسليحاتتارعا – 5523; قالالىق ءماس­لي­حاتتارعا – 1890  كانديدات.

تىركەلگەن كانديداتتاردىڭ  3446-سى – «نۇر وتان» حالىقتىق-دەموكراتيالىق پار­تيا­سى­نىڭ، 11-ءى – قازاقستاننىڭ پاتريوت­تارى پار­تياسىنىڭ، 22-ءسى – «رۋحانيات» پارتياسىنىڭ، 264-ءى – قازاقستاننىڭ «اق جول» دە­مو­كرا­تيالىق پارتياسىنىڭ، 9-ى –جالپىۇلتتىق سو­تسيال-دەموكراتيالىق پارتيانىڭ، 99-ى – قا­زاق­ستاننىڭ كوممۋنيستىك حالىقتىق پارتيا­سى­نىڭ، 50-ءى – قازاقستان سوتسيال-دەموكرا­تيا­لىق «اۋىل» پارتياسىنىڭ، 57-ءسى – «ادىلەت» دەموكراتيالىق پارتيا­سى­نىڭ، 3-ءۋى – قا­زاق­ستاننىڭ «ازات» دەموكراتيالىق پارتيا­سى­نىڭ، 1-ءۋى – قازاقستاننىڭ كوممۋنيستىك پارتيا­سى­نىڭ  مۇشەلەرى.

بارلىق تىركەلگەن كانديداتتار 21 جەل­توق­ساننان باستاپ سايلاۋالدى ۇگىت جۇمىسىنا كىرىسە الادى.

* * *

شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ تۋرالى

21 جەلتوقساندا قازاقستان رەسپۋبليكاسىنىڭ ورتا­لىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسى دەپۋتاتتارى مەن ءماسليحاتتارى دە­پۋتاتتارىنىڭ سايلاۋىنا شەت مەملەكەتتەر مەن حا­لىقارالىق ۇيىمنىڭ تاعى 14 بايقاۋشىسىن اككرەديتتەدى.

قازىرگى ساتكە دەيىن قازاقستان رەسپۋبليكاسى سىرتقى ىستەر مينيسترلىگىنىڭ ۇسىنۋى بويىنشا بارلىعى 61 بايقاۋشى اككرەديتتەلدى

ولاردىڭ 46-سى – ەقىۇ/دياقب ميسسياسىنىڭ، 11-ءى – تمد بايقاۋشىلار ميسسياسىنىڭ وكىلدەرى، 4-ءۋى –  شەت مەملەكەتتەردىڭ بايقاۋشىلارى.

 * * *

ورتسايلاۋكومعا كەلىپ تۇسكەن وتىنىشتەر تۋرالى

2011 جىلعى 16 قاراشا مەن 21 جەلتوقسان ارا­لى­عىن­دا­عى كەزەڭدە ورتسايلاۋكومعا  56 ءوتىنىش كەلىپ تۇسكەن. ولار­دىڭ 38-ءى  سايلاۋ ناۋقانىنىڭ ءارتۇرلى اسپەكتىلەرى بويىنشا وتىنىشتەر، تاعى 14-ءى سايلاۋ كوميسسيالارىنىڭ، سايلاۋ ۇدەرىسىنە قاتىسۋشىلاردىڭ جانە بۇقارالىق اقپارات قۇرالدارىنىڭ قىزمەتىنە قاتىستى.

قازاقستان رەسپۋبليكاسىنىڭ ورتالىق سايلاۋ كوميسسياسى.

سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار