سونداي-اق, سەناتور الماتى قالالىق «تەرى-ۆەنەرولوگيالىق ەمحاناسىندا» بولىپ, ۇجىمىمەن كەزدەستى. جۇزدەسۋ بارىسىندا سەناتورعا ەمحانانىڭ كلينيكا-زەرتحانالىق, ۇيىمداستىرۋ-ادىستەمەلىك كورسەتكىشتەرى تانىستىرىلىپ, 2018 جىلدىڭ 7 ايىنداعى اتالعان مەكەمەنىڭ قارجىلىق قىزمەتى تۋرالى مالىمەت بەرىلدى.
سەناتور سونداي-اق ەمحانا بولمەلەرىن ارالاپ كورىپ, ناۋقاستارمەن اڭگىمەلەسىپ, جاعدايلارىن سۇرادى. ەمحانانىڭ ماتەريالدىق-تەحنيكالىق جاي-كۇيىن قاراپ شىققان سەناتورعا مەديتسينالىق جابدىقتاردىڭ تەرى-ۆەنەرولوگيا جانە تەرى-كوسمەتولوگيا, ەستەتيكالىق مەديتسينا سالاسىنداعى قولدانىلۋ ەرەكشەلىكتەرىمەن تانىستىردى.
سەناتور ەمحانا جۇمىسىن ودان ءارى دامىتۋدىڭ كەلەشەگى تۋرالى ايتا كەلىپ, مەديتسينالىق ءتۋريزمدى دامىتۋ, مەديتسينالىق قىزمەت كورسەتۋدى ءارتاراپتاندىرۋ, شەتەلدىك مامانداندىرىلعان جانە ونىمەن بايلانىستى دەنساۋلىق ساقتاۋ ۇيىمدارىمەن ىنتىماقتاستىقتى نىعايتۋ بويىنشا ۇسىنىستارىن ايتتى.
