نوسەر جاڭبىر كەزىندە ەلوردا تۇرعىندارى قايىققا وتىرىپ العان ەكى ادامنىڭ ۆيدەوسى الەۋمەتتىك جەلىلەردە كەڭ تارالعان بولاتىن.
جەرگىلىكتى پوليتسيا قىزمەتى حابارلاعانداي, ءتارتىپ ساقشىلارى جىگىتتەردىڭ بۇل ارەكەتىن ۇساق بۇزاقىلىق دەپ باعالاعان. ولارعا قاتىستى اكىمشىلىك قۇقىق بۇزۋشىلىقتار كودەكسىنىڭ 434-بابىنا ساي حاتتاما تولتىرىلعان.
استانا قالاسىنىڭ مامانداندىرىلعان اۋدانارالىق سوتى "قايىقشىلاردىڭ" ارقايسىسىنا 5 اەك كولەمىندە (12 025 تەڭگە) ايىپپۇل سالدى.
استانا قالاسىندا دۇيسەنبى كۇنى نوسەر جاۋىن جاۋىپ, كوشەلەردى سۋ باسىپ كەتتى. ءتىپتى باعدارلى اۆتوبۋستىڭ سالونىنا جاڭبىر سۋى كىرىپ كەتكەن.
كەيىنىرەك قالا بيلىگى تۇرعىنداردان كەشىرىم سۇراپ, جاڭبىر كاناليزاتسياسى پروبلەماسىن 2019 جىلى شەشۋگە ۋادە بەردى.
