تاۋلى التاي, چيكە-تامان اسۋى
التاي رەسپۋبليكاسىنىڭ ءىىد قىزمەتىنىڭ مالىمەتىنشە, جول اپاتى جۇما كۇنى تۇندە ونگۋداي اۋدانىنانا قاراستى چۋيا جولىنىڭ 659 شاقىرىمىندا بولعان.
«چيكە-تامان» اسۋىنان ءتۇسىپ كەلە جاتقان ISTANA ماركالى كولىگىنىڭ تەجەگىشى ىستەن شىعىپ, اۋدارىلىپ قالعان», دەپ جازادى. پوليتسيا قىزمەتكەرلەرىنىڭ سوزىنشە, كولىك جۇرگىزۋشىسى سپيرتتىك ىشىمدىك ىشپەگەن, ساۋ بولعان.
جۇما كۇنى تۇندە كەلىپ جەتكەن حاباردا جول اپاتىنان مەرتىگىپ قالعان موڭعوليانىڭ 3 ازاماتى اۋرۋحاناعا جەتكىزىلگەنى تۋرالى ايتىلعان.
چيكە-تامان اسۋىنىڭ بيىكتىگى 1295 مەتر. ءتورت شاقىرىم كوتەرىلىپ, ءتورت شاقىرىپ تۇسەتىن قۇلاما اسۋ الەمدەگى ەڭ قيىن 10 جولدىڭ ءبىرى سانالادى. موڭعوليا مەن قازاقستان ازاماتتارى ەكى ەل اراسىنا قاتىناۋ ءۇشىن وسى اسۋدى باسىپ وتەدى.
اسۋ باسىندا تاماشالاۋعا ارنالعان الاڭقاي بار. 1996 جىلدان باستاپ التاي رەسپۋبليكاسىنىڭ تابيعي ەسكەرتكىشى رەتىندە جاريالانعان.
ايا ءومىرتاي,
"ەگەمەن قازاقستان"
