مەملەكەتتىك حاتشى «بولاشاق» باعدارلاماسى جوعارى بىلىكتى ماماندار دايىنداۋ ىسىنە ماڭىزدى ۇلەس قوسىپ كەلە جاتقانىن اتاپ ءوتتى.
«جاقىندا نازارباەۆ ۋنيۆەرسيتەتى وسى باعدارلاما بويىنشا زەرتتەۋ جۇرگىزدى. وسى ورايدا باعدارلامانىڭ وڭ ناتيجە بەرىپ وتىرعانى اتالىپ ءوتتى», دەدى مەملەكەتتىك حاتشى.
بولاشاق باعدارلاماسىنىڭ اياسىندا كارديوحيرۋرگيا سالاسىنىڭ تۇلەكتەرىمەن 32 مىڭنان استام تەگىن وتا جاسالدى. ءبىر وتانىڭ ورتاشا قۇنى 300 مىڭنان 10 ملن تەڭگەگە دەيىن وزگەرىپ وتىرادى.
سونداي-اق, وتىرىس بارىسىندا ءبىلىم جانە عىلىم مينيسترلىگى شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ حاتتامالىق تاپسىرمالارىنىڭ ورىندالۋى تۋرالى مالىمەت بەردى. كوميسسيا شەشىمىمەن ستيپەنديا ماگيستراتۋرادا, دوكتورانتۋرادا وقيتىن, سونىمەن قاتار الەمنىڭ جەتەكشى عىلىمي جانە وندىرىستىك ورتالىقتارىنا تاعىلىمدامادان وتۋگە جىبەرىلگەن 128 ۇمىتكەرگە تاعايىندالدى.
گۇلشارا ابدىقالىقوۆا وتىرىس سوڭىندا «بولاشاق» حالىقارالىق ستيپەندياسىن ءتيىمدى ىسكە اسىرۋعا قاتىستى بىرقاتار تاپسىرمالار جۇكتەدى.
