مەملەكەتتىك قىزمەتشىلەردىڭ پاراساتتىلىق مادەنيەتىن قالىپتاستىرۋدىڭ نەگىزگى اسپەكتىلەرى, قىزمەتتىك ادەپ نورمالارىنىڭ بۇزۋشىلىقتارىن الدىن-الۋ جانە ۇجىمدا جاقسى مورالدىق-ادەپتىلىك نورمالارىن ورناتۋ جايى ءتۇسىندىرىلدى.
اتالمىش شارا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ 2018 جىلعا ارنالعان مەملەكەتتىك قىزمەتتەگى ادەپتىلىك دەڭگەيىن كوتەرۋ بويىنشا كەشەندى جوسپارعا سايكەس, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ وبلىستىق فيليالىندا مەملەكەتتىك قىزمەتشىلەردى قايتا دايارلاۋ جانە بىلىكتىلىگىن ارتتىرۋ اياسىندا وتكىزىلدى.
قايروللا ەرەجەپوۆ ءدارىس بارىسىندا مەملەكەتتىك قىزمەتتە ءوزىنىڭ جولىن قالىپتاستىرۋ تاجىريبەسىمەن ءبولىستى, قويىلعان سۇراقتار جاۋاپ بەردى. بويىڭدا كاسىبي ىسكەرىلىك بولسا جانە ادال ەڭبەك ەتسەڭ مانساپتىق ساتىمەن وسۋگە بولادى دەدى ول. ونىڭ ۇستىنە قازىرگى جاعداي مۇلدەم باسقاشا, مەملەكەت بارىنشا جاعداي جاساپ وتىر. ەڭ باستىسى قارا باسىڭنىڭ قامى ەمەس, حالىقتىڭ قامىن ويلاۋ قاجەت ەكەندىگىن ايتتى.
لەكتسياعا قاتىسقان جاس مەملەكەتتىك قىزمەتشىنىڭ ءبىرى – ەلجاس نۇراحان ۇلى. ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن «مەملەكەت جانە جەرگىلىكتى باسقارۋ» ماماندىعى بويىنشا تامامداعان. مەملەكەتتىك قىزمەتكە تۇرعانىنا 6 اي بولعان. قازىرگى ۋاقىتتا بەينەۋ اۋدانى اپپاراتى اكىمىنىڭ باس مامانى.
-ءبىز سياقتى جاس مامانداردىڭ ۇيرەنەرى كوپ. سوندىقتان دا وسىنداي لەكتسيالارعا قاتىسۋ ماڭىزدى دەپ بىلەمىن. مەنىڭشە مەملەكەتتىك قىزمەتشى الدىمەن كاسىبي ءبىلىمدى جانە بويىندا جاۋاپكەرشىلىك بولۋى كەرەك. ەڭ الدىمەن حالىقپەن جۇمىس جاسايتىنىن ءبىر ساتكە بولسىن ەستەن شىعارماۋى ءتيىس. جالپى ۋنيۆەرسيتەت قابىرعاسىندا دا, كۇندەلىكتى جۇمىس بارىسىندا دا زاڭنىڭ بەلشەسىنەن باسپاي, ادال بولۋ كەرەكتىگى ۇنەمى ايتىلىپ ءجۇر, دەيدى جاس مامان.
ال ادەپ جونىندەگى كەڭەس ءتورايىمى نۇرگۇل الماسقىزى جاس مەملەكەتتىك قىزمەتشىلەردى پاتريوت بولۋعا شاقىردى. مەملەكەتتىك قىزمەت سالاسىنداعى رەفورمالاردى جۇزەگە اسىرۋ بويىنشا كوپتەگەن جۇمىستار اتقارىلۋدا, اسىرەسە كادرلىق الەۋەت, ەڭبەكاقى ماسەلەسى, مانساپتىق ءوسۋ بويىنشا ناقتى شارالار قولعا الىنعاندىعىن ايتتى. ماڭعىستاۋ وڭىرىندە مەملەكەتتىك قىزمەتكە دەگەن قىزىعۋشىلىق ەكى ەسە ارتقانىن ايتتى. بۇگىندە مەملەكەتتىك قىزمەتتەگى ءبىر ورىنعا كەي مەكەمەلەردە 10-20 ۇمىتكەردىڭ تالاسى بار.
ايتا كەتۋ كەرەك, اكادەميا فيليالىنىڭ قابىرعاسىندا «مەملەكەتتىك قىزمەتشىلەردىڭ ادەبى», «مەملەكەتتىك قىزمەتتەگى ەتيكا جانە يميدج», «تايم مەنەدجمەنت» جانە تاعى باسقا تاقىرىپتاردا بىرنەشە لەكتسيالار ۇيىمداستىرىلعان. ال كۋرستار ءتۇرلى باعىتتى قامتيدى, اسىرەسە پسيحولوگيا, جەكە جانە زاڭدى تۇلعالاردىڭ وتىنىشتەرىن قاراۋ, تەكسەرۋ ءىس-شارالارىنىڭ ءتارتىبىن ساقتاۋ. مەملەكەتتىك قىزمەتشىلەردىڭ ادەپ كودەكسىنىڭ تالاپتارىن ءتۇسىندىرۋ بويىنشا سەمينارلار جانە ء«تيىمدى باسشى – ءتيىمدى قىزمەتكەر» ساعاتى وتكىزىلگەن.
كەزدەسۋ بارىسىندا مەملەكەتتىك قىزمەتشىلەرگە «مەملەكەتتىك قىزمەتشىنىڭ ادەبى جانە مىنەز-ق ۇلىق نورمالارى» كىتاپشاسى (pocketbook) تۋرالى ايتىلدى. اتالعان كىتاپشادا مەملەكەتتىك قىزمەتشىلەردىڭ جۇمىس ۋاقىتىنداعى جانە جۇمىستان تىس ۋاقىتتاعى نەگىزگى مىنەز-ق ۇلىق قاعيدالارى قاراستىرىلعان, جاعداياتتىق مىسالدار نەگىزىندە مەملەكەتتىك قىزمەتشىلەر ءۇشىن قىسقاشا نۇسقاۋ ۇسىنىلعان جانە تاجىريبەدە بەيادەپ مىنەز-ق ۇلىق فاكتىلەرىنىڭ ەڭ كوپ تاراعان تۇرلەرى كەلتىرىلگەن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
