كەلىسسوزدەرگە ازەربايجان رەسپۋبليكاسى (جەتەكشىسى – ح.ا.حالافوۆ), يران يسلام رەسپۋبليكاسى (جەتەكشىسى – ر. نازار احاري), قازاقستان رەسپۋبليكاسى (جەتەكشىسى – ز.A.امانجولوۆا), رەسەي فەدەراتسياسى (جەتەكشىسى – ي.ب.براتچيكوۆ) جانە تۇرىكمەنستاننىڭ (جەتەكشىسى – م.گ.اتادجانوۆ) دەلەگاتسيالارى قاتىستى.
اجت وتىرىسىندا تاراپتار بەسىنشى كاسپي ءسامميتىنىڭ قۇجاتتارىن ازىرلەۋ بويىنشا جۇمىستىڭ قورىتىندىسىن شىعاردى, سونداي-اق كاسپي جاعالاۋى مەملەكەتتەرىنىڭ سىرتقى ىستەر مينيسترلەرى كەڭەسىنىڭ كۇن ءتارتىبىن تالقىلادى جانە كەلىستىردى.
كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانى ازىرلەۋ بويىنشا كەلىسسوزدەردىڭ اياقتالۋىنا وراي, تاراپتار بىرلەسكەن ۇزاق مەرزىمدى جۇمىس ناتيجەلەرىن زور قاناعاتپەن اتاپ ءوتتى.
دەلەگاتسيالار ورىن العان كەلىسسوزدەردىڭ ناتيجەلەرىنە وڭ باعا بەرىپ, قورىتىندى كەزدەسۋدى جوعارى دەڭگەيدە ۇيىمداستىرعانى ءۇشىن قازاقستان رەسپۋبليكاسىنا ءوز ريزاشىلىعىن ءبىلدىردى.
