تامىزدىڭ 9-ى كۇنى سۇلتان بەيبارىس اتىنداعى الاڭدا اتىراۋ مۋزىكاسىنىڭ تاريحىندا «San-Remo Saraishyq» اتتى فەستيۆالى تۇڭعىش رەت ءوتتى. كونتسەرتتى ۇيىمداستىرۋشى قالالىق مادەنيەت جانە تىلدەردى دامىتۋ ءبولىمى. اتىراۋ قالاسىنىڭ تۇرعىندارى مەن قوناقتارىن شىعارماشىلىقپەن قۋانتۋ ءۇشىن يتاليانىڭ ءار قالاسىنان «San Remo» حالىقارالىق فەستيۆالىنەن 8 ءارتىس كەلدى. ولاردىڭ اراسىندا الەمگە ايگىلى ارتىستەر - تانىمال تەنور رودولفو ماريا گوردوني, «San-Remo» فەستيۆالىنىڭ تۇراقتى قاتىسۋشىسى جانە كومپوزيتور يسابەو بيففي, حالىقارالىق Alt @Moda توبى بار.
«اتىراۋعا مەن العاش رەت كەلدىم, قالا تۇرعىندارى مەنى جانە مەنىڭ ارىپتەستەرىمە قوناقجايلىلىق تانىتتى. ءبىز تانىمال - Toto Cutunje, Adriano Celintano, Richie جانە Poveri, Pupo, Nada جانە باسقادا يتالياندىق ارتىستەردىڭ اندەرىنەن تۇراتىن ۇلكەن رەپەرتۋاردى الىپ كەلدىك. كورەرمەندەر ءبىزدى وتە جىلى قارسى الىپ, بىزبەن بىرگە ءان شىرقادى. وتە جاقسى كوڭىل-كۇي سىيلادى», - دەيدى ءانشى يسابەو بيففي. ۇيىمداستىرۋشىلاردىڭ ايتۋىنشا, «سيۋزاننا», «فەليچيتا» جانە باسقا دا كەڭەستىك ءداۋىردىڭ باسقا دا تانىمال اندەرى اتىراۋ قالاسىنىڭ تۇرعىندارى ءۇشىن, اسىرەسە, قارت ادامدار ءۇشىن شىنايى مەرەكە بولدى.
بۇگىن شامامەن ەكى مىڭ كورەرمەن ايگىلى يتالياندىق ارتىستەردىڭ ونەرىمەن تانىسۋعا كەلدى. ەكى ەلدىڭ مادەنيەتى مەن ءتىلىن بايلانىستىرۋ ءبىزدىڭ باستى ماقساتىمىز بولاتىن. وسى ماقساتىمىز جۇزەگە استى دەپ ەسەپتەيمىن. ەندىگى كەزەكتە يتاليا ەلىندە قازاقستان ەستراداسىنىڭ كونتسەرتىن قويىپ, يتالياندىقتاردى ءبىزدىڭ مادەنيەتىمىز بەن تىلىمىزبەن تانىستىرساق جاقسى بولار ەدى, دەيدى اتىراۋ قالاسى مادەنيەت ءبولىمىنىڭ باس مامانى قارلىعاش قۇماروۆا. ايتا كەتسەك, «San-Remo» - تانىمال يتالياندىق ءان بايقاۋى. ءار جىل سايىن اقپان ايىنىڭ ورتاسىندا يتاليانىڭ سولتۇستىك-باتىسىنداعى سان-رەمو قالاسىندا وتكىزىلەدى. بايقاۋ بۇرىن سوڭدى كوپشىلىكتە ورىندالماعان يتاليالىق كومپوزيتورلاردىڭ تۇپنۇسقا اندەرىنىڭ بايقاۋى.
