مەملەكەت باسشىسىنىڭ كەلىسىمىمەن باس پروكۋرور قايرات قوجامجاروۆتىڭ ا.ج. 9 شىلدەدەگى بۇيرىعى نەگىزىندە باس كولىك پروكۋرورى بولىپ م.ك. دۇيسەنوۆ, شىمكەنت قالاسى پروكۋرورى – م.ا. قوجاباەۆ, تۇركىستان وبلىسىنڭ پروكۋرورى ن.م. ءابدىروۆ, مانعىستاۋ وبلىسى پروكۋرورى بولىپ ە.م. اباەۆ تاعايىندالدى.
بارلىعى پرەزيدەنتتىك رەزەرۆتە وبلىس پروكۋرورى لاۋازىمىندا تۇرعان.
م.ك. دۇيسەنوۆ 1973 جىلى تۋعان. تەرگەۋ سالاسىندا جانە باسشىلىق لاۋازىمدا تاجىريبەسى مول. ونىڭ ىشىندە ءىىم, قارجى پوليتسياسى, مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىندە.
2013-2014 جىلدار ارالىعىندا قازاقستان رەسپۋبليكاسىنىڭ قاۋىپسىزدىك كەڭەسىنىڭ سەكتور مەڭگەرۋشىسى لاۋازىمىندا قىزمەت ەتتى.
2016-2018 جىلداردا سىبايلاس جەمقورلىققا قارسى ءىس-قيمىل ۇلتتىق بيۋروسى باسشىسىنىڭ ورىنباسارى بولدى.
2018 جىلدىڭ قاڭتار ايىنان باستاپ باس اسكەري پروكۋروردىڭ ورىنباسارى.
«قۇرمەت» جانە ءىى دارەجەلى «ايبىن» وردەندەرىمەن ماراپاتتالعان.
م.ا. قوجاباەۆ 1974 جىلى تۋعان. پروكۋراتۋرا ورگاندارىندا 1997 جىلدان باستاپ قىزمەت ەتىپ كەلەدى.
ءارتۇرلى جىلدارى اۋدان پروكۋرورى جانە وڭتۇستىك قازاقستان, شىعىس قازاقستان وبلىسى مەن الماتى قالاسى پروكۋرورىنىڭ ورىنباسارى لاۋازىمىندا بولدى.
2012-2017 جىلدار ارالىعىندا سىبايلاس جەمقورلىققا قارسى ءىس قيمىل قىزمەتىندە جامبىل جانە باتىس قازاقستان وبلىسى بويىنشا سىبايلاس جەمقورلىققا قارسى ءىس قيمىل ۇلتتىق بيۋروسىنىڭ باسشىسى قىزمەتىن اتقاردى.
2017 جىلدىڭ جەلتوقسان ايىنان باستاپ جامبىل وبلىسى پروكۋرورىنىڭ ءبىرىنشى ورىنباسارى.
زاڭدىلىق پەن قۇقىقتىق ءتارتىپتى نىعايتۋداعى قوسقان ەلەۋلى ۇلەسى ءۇشىن مەملەكەت باسشىسىنڭ جارلىعىمەن «جاۋىنگەرلىك ەرلىگى ءۇشىن» مەدالىمەن ماراپاتتالعان.
ن.م. ءابدىروۆ 1967 جىلى تۋعان. پروكۋراتۋرا ورگاندارىندا 1991 جىلدان باستاپ ەڭبەك ەتەدى.
قاراعاندى وبلىسىندا اۋدان پروكۋرورى, استانا مەن الماتى قالاسى پروكۋرورىنىڭ ءبىرىنشى ورىنباسارى لاۋازىمدارىندا بولدى.
2009-2012 جىلدارى باس پروكۋراتۋرانىڭ بىرقاتار دەپارتامەنتتەرىن باسقاردى.
2012-2017 جىلدارى ارالىعىندا اقتوبە وبلىسىنىڭ پروكۋرورى بولدى.
2017 جىلدىڭ تامىز ايىنان باستاپ وڭتۇستىك قازاقستان وبلىسىنىڭ پروكۋرورى.
زاڭدىلىق پەن قۇقىقتىق ءتارتىپتى نىعايتۋداعى, پروكۋرورلىق قاداعالاۋدى جەتىلدىرۋدەگى قوسقان ەلەۋلى ۇلەسى ءۇشىن مەملەكەت باسشىسىنىڭ جارلىعىمەن «ەرەن ەڭبەگى ءۇشىن» مەدالىمەن ماراپاتتالعان.
ە.م. اباەۆ 1969 جىلى تۋعان. پروكۋراتۋرا ورگاندارىندا 1992 جىلدان باستاپ قىزمەت ەتەدى.
پاۆلودار وبلىسى پروكۋراتۋراسىندا اسا ماڭىزدى ىستەر بويىنشا تەرگەۋشى, پاۆلودار وبلىسى ەرتىس, ۋسپەن اۋداندارىنىڭ پروكۋرورى, استانا قالاسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسقارما باستىعى بولدى.
2016 - 2017 جىلدار ارالىعىندا دەپارتامەنت باستىعىنىڭ ورىنباسارى, باس پروكۋراتۋرانىڭ دەپارتامەنت باستىعى قىزمەتتەرىن اتقاردى.
2018 جىلدىڭ شىلدە ايىنان ماڭعىستاۋ وبلىسى پروكۋرورى قىزمەتىن ۋاقىتشا اتقاردى.
ءىى دارەجەلى «ايبىن» وردەنىمەن ماراپاتتالعان.
