پاتريوتتار جاستارعا يەك ارتادى

قازاقستان پاتريوتتارى پارتياسىنىڭ ەلىمىزدىڭ ءار­بىر اۋدانىنداعى باس­تاۋ­ىش پارتيا بولىمشەلەرىنىڭ  حات­شىلارى استاناعا ار­نايى ات ارىتىپ كەلگەن بولاتىن. سولارمەن بولعان باسقوسۋدا   سايلاۋ دوداسىنىڭ جايى تالقىلانىپ, الداعى مىندەتتەر جان-جاقتى پى­سىق­تالدى. وسى رەتتە پارتيا ءمۇ­شەلەرىنىڭ نازارى جاڭا­وزەندەگى جاعدايعا دا اۋدى. قازاقستاندى الەم جاقسى جا­عىنان تانىپ, ەكونو­مي­كا­لىق تۇرعىدان كۇش الا ءتۇ­سىپ كەلە جاتقان تۇستا وسىن­داي كەلەڭسىزدىكتىڭ ور­ىن الۋى ەلىمىزدىڭ بەدەلىن ءتۇسىرىپ تاستادى, دەدى ولار. قازاقستان پاتريوتتارى پار­تياسى سايلاۋالدى شتا­بى­نىڭ جەتەكشىسى بولات بەيسەمباەۆ ەندىگى باستى ماسەلە وقيعانىڭ انىق-قانىعىن انىقتاۋ دەگەندى العا تارتتى. بولات قابدول ۇلىنىڭ سوزىنە قاراعاندا, پارتيا ەلىمىزدەگى وزگە دە ساياسي كۇشتەرمەن بىرلەسە وتىرىپ, اتالعان وقي­عانىڭ انىق-قانىعىن انىق­تاۋ ماقساتىندا قۇرىلعان ارنايى كوميسسيانىڭ جۇمى­سىنا بەلسەنە قاتىسپاقشى ەكەن. ال اتالعان پارتيانىڭ سەركەسى عاني قاسىموۆ سە­نا­تورلىق جۇمىستان قول ۇزبەي, ساياسي دودانىڭ بەل ورتا­سىندا جۇرگەندىگىن ايتا كەتكەن ءجون. كوبىنەسە قارا­پاي­ىم سايلاۋشىلار پارتيا­نىڭ اتىن سەناتورمەن تىكەلەي باي­لانىستىرادى. پارتيا جە­تەكشىسى ەلىمىزدىڭ الەمنىڭ نەعۇرلىم باسەكەگە قابىلەتتى مەملەكەتتەرىنىڭ العاشقى ەلۋلىگىنىڭ قاتارىنا ەنگەندىگىن مويىنداي وتى­رىپ, بار­لىق ماسەلەدە اشىقتىق بو­لۋىن باستى ۇستانىم رەتىندە العا تارتىپ كەلەدى. سونداي-اق پارتيا قازىرگى جۇزەگە اسىپ كەلە جاتقان وتباسى مەن بالالاردى قولداۋ, ادام الەۋەتىن اشۋ باعىتىنداعى ۇلتتىق جوبالارمەن جۇمىس ىستەۋ ەلدى دامىتۋدىڭ باستى فاكتورى دەپ بىلەدى. پارتيا باعدارلاماسىندا بۇل ماقساتتاردى جۇزەگە اسى­رۋ ءۇشىن ەل ەكونوميكاسىنىڭ تۇراقتى ءوسۋىن قامتاماسىز ەتۋ كەرەك دەلىنگەن. سون­دىق­تان دا كاسىپورىندارعا اۋقىم­دى جاڭعىرتۋلار جاساۋ, مەملەكەتتىك جانە جەرگىلىكتى باسقارۋ جۇيەسىن جەتىلدىرۋ, شاعىن جانە ورتا بيزنەستى دامىتۋ مەن قول­داۋ باستى نازارعا الىنعان. جا­قىندا ع.قاسىموۆ ەلى­مىزدىڭ وڭتۇستىك استاناسى – الماتى قالاسىنا بارىپ, سايلاۋالدى تۇعىرنامادا كور­­سەتىلگەن مىندەتتەردى جان-جاقتى ءتۇسىندىرۋ باعى­تىندا بىرقاتار شارالار وتكىزىپ قايتتى. ەندىگى جۇ­مىس وڭىرلەردە قىزاتىن بولادى. بۇدان باسقا پاتريوتتار پارتياسىنىڭ بەلدى مۇشە­لەرى وڭىرلەرگە شىعىپ, ەلەك­توراتپەن تىكەلەي جۇ­مىس ىستەۋدى مىقتاپ قولعا الۋدى باستاپ تا كەتتى. ءار­بىر اۋدان, اۋىلداردى ارا­لاۋمەن قاتار, زاۋىت, فاب­ريكالاردىڭ جۇمىسشى­لا­رى­­مەن دە كەزدەسۋ وتكىزۋ جوس­پارلانىپ وتىر ەكەن. ءتىپتى قازاقستان پات­ريوتتا­رى پارتياسىنىڭ اتىنان فۋت­بول كومانداسىن قۇرا­تىن­دىقتارى دا بەلگىلى بولدى. مۇنداي يگى شارا­نىڭ استارىندا جاستاردى سپورتقا ۇندەۋ ارقىلى, سايلاۋ ناۋقانىنا بەلسەندى تارتۋ جاتقاندىعى انىق. اسقار تۇراپباي ۇلى. استانا.