وقۋ-جاتتىعۋ 2014 جىلعى 29 قىركۇيەكتەگى كاسپي تەڭىزىندە توتەنشە جاعدايلاردىڭ الدىن الۋ جانە جويۋ سالاسىنداعى ىنتىماقتاستىق تۋرالى كەلىسىمنىڭ 4-بابىنا سايكەس كاسپي ماڭى مەملەكەتتەرىنىڭ قۇتقارۋ قىزمەتتەرىنىڭ كاسپي تەڭىزى اكۆاتورياسىندا توتەنشە جاعدايلارعا دەن قويۋ كەزىندەگى ءوزارا ءىس-قيمىل ماسەلەلەرىن جەتىلدىرۋ, ولاردىڭ بىرلەسكەن ءىس-قيمىلدارى كەزىندە كۇشتەر مەن قۇرالداردى قولدانۋ تيىمدىلىگىن ارتتىرۋ ماقساتىندا ۇيىمداستىرىلادى.
ءبىرىنشى كەزەڭدە 2018 جىلعى 2 تامىزدا اقتاۋ حالىقارالىق تەڭىز پورتى بازاسىندا جەدەل شتابتى ورنالاستىرۋ جانە توتەنشە جاعدايلارداعى داعدارىس مەنەدجمەنتى ورتالىعىنىڭ, ماڭعىستاۋ جانە اتىراۋ وبلىستارىنىڭ توتەنشە جاعدايلار دەپارتامەنتىنىڭ باسقارۋ ورتالىعى, كاسپي ماڭى مەملەكەتتەرىنىڭ اۆاريالىق اگەنتتىكتەرىنىڭ جانە كاسپي ماڭى مەملەكەتتەرىنىڭ اۆاريالىق-قۇتقارۋ قىزمەتتەرىن شارتتى ەنگىزۋدى دامىتۋ ءۇشىن پايدالانۋ جوسپارلانعان.
ەكىنشى كەزەڭ 2018 جىلعى 3 تامىزدا باۋتينو تەڭىز پورتىندا وتەدى. سايكەس ينفراقۇرىلىمى بار بازادا - تەڭىز كەمەلەرى ءۇشىن ايلاق, باقىلاۋ مۇناراسى, قۇتقارۋ كوماندالارىنىڭ قۇرىلىسىنىڭ ورنى, تىكۇشاق پلاتفورمالارى بار. قۇتقارۋشىلار توبى توتەنشە جاعدايلاردى جويۋ ءىس-شارالارىن بىرلەسىپ ازىرلەيدى. قۇتقارۋشىلار تەڭىزدەگى قيىندىقتارعا تاپ بولعان ادامداردى ىزدەيدى جانە قۇتقارادى, زارداپ شەككەندەرگە العاشقى كومەك كورسەتىپ, ولاردى سۋدان ارنايى قۇتقارۋ تەحنولوگياسىمەن قۇتقارۋ كەمەسىنە جەتكىزەدى.
جاتتىعۋعا 500-دەن استام قىزمەتكەر مەن 78-گە جۋىق ارناۋلى تەحنيكا, 2 دانا بە-200 ۇشاعى, 7 بىرلىك تىكۇشاق, سونداي-اق 7 بىرلىك تەڭىز كەمەلەرى مەن 7 بىرلىك قۇتقارۋ قايىقتارى قاتىسادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
