بيىك باعاننىڭ ۇشار باسىنداعى قۇستىڭ ءبىر قاناتى سالبىراپ كەتىپتى, باسى كورىنەر-كورىنبەس. ونىڭ پايىمداۋىنشا, قۇس قارعا سياقتى. دەمەك تۇيمەداق گ ۇلىن بەينەلەگەن تەمىر باعاننىڭ جان-جاققا مايىستىرىلعان بۇتاقتارىنىڭ ورتاسى شۇڭعىل بولعان, قۇس سوندا ءتۇسىپ كەتكەن بولۋى ءتيىس. باعان تىم بيىك, وعان تەك كران كەرەك. كەشكە قاراي كىمدى تاپسىن, ەرتەسىنە ول قالالىق تۇرعىن ءۇي-كوممۋنالدىق شارۋاشىلىعىنا حابارلاسىپ, كورگەن جايتتى ايتتى, قۇستى قۇتقارماسا, كوپ ۇزاماي ءولىپ قالاتىنىن ەسكەرتتى.
حابار جەتىسىمەن ساياباققا «ادال-ي» كاسىپورنىندا ەلەكترمونتاجشى بولىپ ىستەيتىن اسقار سارسەنوۆ كەلىپ, اۆتوكراننىڭ كومەگىمەن تەمىر باعاننىڭ ۇشار باسىندا مەتالدان جاسالعان «تۇيمەداق گ ۇلىنىڭ» «تۇتقىنى» بولىپ وتىرعان الا قارعانى بوساتىپ الدى.
– الا قارعا بيىلعى بالاپان بولۋى كەرەك. ول باعاننىڭ باسىندا وتە ۇزاق, كەمىندە ەكى كۇن وتىرعان ءتارىزدى. تىپىرلاي-تىپىرلاي قاۋىرسىندارى سىنعان, ءوزى ابدەن السىرەگەن, قاناتىن قاعۋعا دا شاماسى كەلمەدى. جاقسىلىقتى قۇس تا بىلەدى, ول بىزدەن قاشقان جوق. شۇبەرەكپەن وراپ, تاتيانا ۆلاديميروۆناعا تابىس ەتتىك, – دەيدى اسقار.
الا قارعا اشتىق پەن سۋدان ابدەن قاتالاپ قالعان ەكەن. سول كۇندەرى قوستانايدا شىلدە دە شىلىڭگىر مىنەز تانىتقان ەدى. قازىر ونى ءوزىنىڭ باستى قۇتقارۋشىسى تاتيانا ۆلاديميروۆنا ۇيىندە ۇستاپ وتىر. الدىنا قويعان تاماق پەن سۋدى ىركىلمەي ءىشىپ-جەيدى, قالپىنا كەلە باستاعان. الا قارعانىڭ ۇيگە دە, مەيىرىمگە دە بويى ۇيرەنىپ قالدى. قۇستىڭ ءتۇسىپ قالعان قاۋىرسىنى ورنىنا كەلگەن سوڭ, ول بوستاندىققا جىبەرىلەدى.
ءنازيرا جارىمبەت,
«ەگەمەن قازاقستان»
قوستاناي
