ءبىر قۇدايدىڭ ءوزى جاراتقان ون سەگىز مىڭ عالامدا بىردە-ءبىر تىرشىلىك يەسى ارتىق جاراتىلماعانىن بۇگىندە عالىمدار دا جوققا شىعارمايدى. سونىڭ ءبىرى – كادىمگى جىلاندار. ونىڭ ۋى مەديتسينادا دارىلىك ماقساتتا پايدالانىلاتىنى بەلگىلى. ادام بالاسىنىڭ پسيحولوگياسى قىزىق-اق. جىلانداردى كورە قالسا, وزىنەن-ءوزى تىتىركەنىپ, بويىن قورقىنىش سەزىمى بيلەپ قاشا جونەلەدى. نەمەسە وعان تاس اتىپ, ولتىرۋگە ارەكەت جاسايدى. جىلان دا تىرشىلىك يەسى بولعاندىقتان جان بەرۋ وڭاي ما, سودان سوڭ قارسى ارەكەتكە كوشىپ, «جاۋىن» شاعىپ الۋعا ۇمتىلادى.
ەگەر ادامدار وزدىگىنەن ۇرىنباسا, جىلاندار ولارعا تيىسپەيدى دەپ تۇجىرىمدايدى جاراتىلىستانۋشىلار. تابيعاتتا جىلانداردىڭ تۇرلەرى دە مەيلىنشە كوپ. مىسالى, سارىباس جىلاندار. اتاۋى ايتىپ تۇرعانىنداي باستارى سارى جىلانداردىڭ نەگىزگى تىرشىلىك ەتەتىن مەكەنى – وزەندەر مەن كولدەر. ونىڭ جاعالاۋىنداعى قۇراقتار مەن قامىستار. قوعالار مەن ءارتۇرلى سۋ وسىمدىكتەرىن پانالايدى.
تاياۋدا ەلگە بارىپ, بالا كەزدەن ق ۇلىن-تايداي تەبىسىپ بىرگە وسكەن قۇرداستارىم قاناتپەن جانە ناۋشامەن بىرگە اۋىلدىڭ ىرگەسىندەگى سارىوزەنگە بارىپ شومىلدىق. وزەننىڭ ەرنەۋىندەگى قۇراقتى مايىستىرا سۋعا سەكىرە بەرگەنىم سول ەدى, ءدال اياعىمنىڭ استىنان ەكى-ءۇش سارىباس جىلان ىتىرىلىپ, ايدىننىڭ ۇستىمەن باسىن تىك كوتەرىپ جورعالاپ الا جونەلگەنى. دەنەم ءدىر ەتە ءتۇستى. مۇندا جىلاندار تولىپ ءجۇر ەكەن دەدىم قاسىمداعى سەرىكتەرىمە.
قانات پەن ناۋشا دا ءبارىن كورىپ تۇر ەكەن: ء«ا, سارىباس جىلاندار ما, ولار شاقپايدى عوي», دەستى جايباراقات. سودان سوڭ ەكەۋى دە سۋعا سەكىرىپ, جىلاندارمەن جارىسا ءجۇزىپ كەتتى. وسى سوزدەردى بالا كەزىمدە دە تالاي رەت ەستىگەنىم بار ەدى. سونىڭ ءبارى ەسكە ءتۇستى دە بويداعى ءبىر ساتتىك تىتىركەنۋ سەزىمىنىڭ ءبارى ساپ تى-
يىلدى. جىلاندار تەك اعىسى مول تازا سۋ ايدىندارىندا جۇرەتىنى دە بەلگىلى جايت. بۇلاردىڭ نەگىزگى ورداسى رادياتسيادان ادا, ەكولوگياسى تازا تابيعات قويناۋلارى ەمەس پە ەدى. ەندەشە بۇزىلماعان تۇمسا تابيعاتتا وزىمەن ءوزى جۇرگەن سارىباس جىلاندارعا تيىسپەيىك دەمەكپىن!
تەمىر قۇسايىن,
«ەگەمەن قازاقستان»
باتىس قازاقستان وبلىسى,
قازتالوۆ اۋدانى
